ٹوئٹر کے مالک ایلون مسک نے سابق امریکی صدر ڈونلڈ ٹرمپ کا ٹوئٹر اکاؤنٹ بحال کردیا ہے۔
غیر ملکی خبر رساں ادارے کی رپورٹ کے مطابق سماجی رابطے کی سائٹ ٹوئٹر کے مالک ایلون مسک نے سابق امریکی صدر ڈونلڈ ٹرمپ کا اکاؤنٹ بحال کرنے یا نہ کرنے کے حوالے سے ایک پول کا اہتمام کیا تھا۔
یہ بھی پڑھیں: ڈونلڈ ٹرمپ کا 2024 میں تیسری مرتبہ امریکی صدارتی انتخابات لڑنے کا اعلان
اس پول میں صارفین سے رائے طلب کی گئی تھی کہ ڈونلڈ ٹرمپ کا اکاؤنٹ بحال کیا جائے یا نہیں جس پر دیڑھ کروڑ صارفین نے اپنی رائے دی۔
ایلون مسک کے مطابق 51.8 فیصد صارفین نے ڈونلڈ ٹرمپ کے اکاؤنٹ کو بحال کرنے کے حق میں اپنا ووٹ دیا جب کہ 48.2 فیصد صارفین نے مخالفت میں ووٹ دیا۔
Reinstate former President Trump
Advertisement— Elon Musk (@elonmusk) November 19, 2022
واضح رہے کہ ٹوئٹر نے 2021 میں ڈونلڈ ٹرمپ کا اکاؤنٹ اشتعال انگیز بیانات کے باعث معطل کردیا تھا جب کہ اس وقت سابق امریکی صدر کے 8.8 کروڑ سے زائد فالوورز تھے۔
یہ بھی پڑھیں: ڈونلڈ ٹرمپ نے ایلون مسک کو ٹوئٹر خریدنےکی ترغیب دی، سی ای او ٹرتھ سوشل
یہاں یہ بات بھی زیر غور ہے کہ ڈونلڈ ٹرمپ نے حال ہی میں تیسری مرتبہ امریکی صدارتی انتخابات میں حصہ لینے کے عزم کا اظہار کیا تھا جس کے بعد اب ان کا اکاؤنٹ بھی بحال کردیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News