نئی دہلی کی حکومت نے بچوں کو فضائی آلودگی اسموگ سے بچانے کے لیے پرائمری اسکول بند کرنے کا فیصلہ کیا ہے۔
غیر ملکی خبر رساں ادارے کے مطابق دہلی کے وزیر اعلیٰ اروند کیجریوال نے اعلان کیا ہے کہ اسموگ سے پیدا ہونے والے بحران سے نمٹنے کے لیے بروز ہفتہ سے پرائمری اسکول بند کیے جارہے ہیں۔
انہوں نے کہا کہ کسی بھی بچے کو کسی صورت میں بھی تکلیف سے نہیں گزرنا چاہیے، اب آب و ہوا بہتر ہونے پر ہی اسکول کھولے جائیں گے۔
یہ بھی پڑھیں: فضائی آلودگی دنیا بھر میں 20 لاکھ بچوں میں دمے کا سبب
واضح رہے کہ ہر سال موسم سرما میں کسانوں کی جانب سے فصلوں کی باقیات کو جلانے، فیکٹریوں اور گاڑیوں کے دھویں کی وجہ سے پورا دہلی اسموگ کی لپیٹ میں رہتا ہے۔
جمعے کے روز دہلی کی فضا میں آلودگی کے خطرناک ذرات کا تناسب معمول کے مقابلے میں تقریباً 25 فیصد زیادہ ریکارڈ کیا گیا ہے۔
فضائی آلودگی کے مسئلے پر قابو پانے میں ناکامی کی وجہ سے وزیر اعلیٰ اروند کیجریوال کو سیاسی مخالفین کی جانب سے شدید تنقید کا سامنا ہے۔
یاد رہے کہ سال 2020 میں برطانوی سائنسی جریدے میں ایک تحقیق شائع ہوئی تھی جس کے مطابق بھارت میں سال 2019 میں 10 لاکھ 67 ہزار اموات فضائی آلودگی کی وجہ سے ہوئی تھیں جن میں سے 17 ہزار 500 اموات صرف دہلی میں رپورٹ ہوئی تھیں۔
علاوہ ازیں بھارتی دارالحکومت کا شمار دنیا کے آلودہ ترین شہروں میں ہوتا ہے جب کہ ہر سال اس پر قابو پانے کی بھرپور کوشش کی جاتی ہے تاہم اب تک کوئی خاطر خواہ کامیابی نہیں مل سکی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News