دہلی ہائی کورٹ نے پاکستانی برانڈ روح افزا کی فروخت پر پابندی عائد کردی ہے۔
کشمیر میڈیا سروس کی رپورٹ کے مطابق بھارت میں دہلی ہائی کورٹ نے ایمازون انڈیا کو پاکستان کے عالمی شہرت یافتہ برانڈ روح افزا فروخت کرنے سے روک دیا ہے۔
رپورٹ کے مطابق ہمدرد نیشنل فاؤنڈیشن اور ہمدرد لیبارٹریز انڈیا نے ہائی کورٹ میں ایمازون انڈیا کو اپنے پلیٹ فارم پر پاکستانی ساختہ روح افزا فروخت کرنے سے روکنے کے لئے ایک درخواست دائر کی تھی۔
درخواست کی سماعت کے بعد عدالت نے ہمدرد نیشنل فاؤنڈیشن کے حق میں حکم جاری کرتے ہوئے بھارت میں روح افرا کی فروخت پرمستقل پابندی عائد کر دی ہے جب کہ درحقیقت روح افزا بھارت میں ایک صدی سے زائد عرصے سے فروخت ہورہا ہے۔
علاوہ ازیں عدالت نے ایمازون کو پاکستان کی بنی ہوئی دیگر مصنوعات بھی اپنے پلیٹ فارم سے ہٹانے کا بھی حکم دیا ہے۔
درخواست گزارکے مطابق روح افزا کو ایمازون پر فروخت کیا جا رہا تھا لیکن فروخت کنندہ ان کی تفصیلات ظاہر نہیں کر رہا تھا۔ عدالت کا کہنا تھا کہ فروخت کنندگان کے نام ظاہر کرنا ایمازون کی ذمہ داری ہے۔
واضح رہے کہ حکیم حافظ عبدالمجید نے روح افزا کومتعارف کروایا تھا لیکن تقسیم برصغیر کے بعد یہ دونوں ملکوں میں فروخت ہورہی ہے۔
تقسیم کے بعد عبدالمجید کے بڑے بیٹے بھارت میں مقیم رہے تو ان کے دوسرے بیٹے نے پاکستان ہجرت کی اور ہمدرد لیبارٹریز(وقف) پاکستان کا آغاز کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News