رواں سال کے 11 ماہ میں دنیا کے امیر ترین شخص ایلون مسک کی دولت میں 100 ارب ڈالر کی کمی ہوئی ہے۔
غیر ملکی خبر رساں ادارے کے مطابق دنیا کے امیر ترین شخص ایلون مسک کی دولت میں تیزی سے کمی آرہی ہے اور صرف 21 نومبر ہی کو وہ 8.59 ارب ڈالرز سے محروم ہوگئے ہیں۔
یہ بھی پڑھیں: ٹوئٹر بند ہونے کی افواہیں کیا حقیقت ہیں؟ ایلون مسک کے ٹوئٹ نے کھلبلی مچادی
ایلون مسک اب بھی 170 ارب ڈالرز کے اثاثوں کے مالک ہیں جب کہ دنیا کے دوسرے امیر ترین شخص برنارڈ آرنلٹ 157 ارب ڈالر کے مالک ہیں لیکن امید کی جارہی ہے کچھ عرصے بعد وہ ایلون مسک کو پیچھے چھوڑ دیں گے۔
واضح رہے کہ ایلون مسک ٹیسلا کمپنی کے مالک ہیں جس کے حصص کی قیمت 2 سال کی کم ترین سطح پر پہنچ گئی ہے جب کہ حال ہی میں انہوں نے معروف سماجی سائٹ ٹوئٹر کو 44 ارب ڈالرز میں خریدا ہے۔
ایلون مسک ٹیسلا کمپنی میں 15 فیصد حصص کے مالک ہیں جب کہ ان کی کمپنی کو اقتصادی کسا بازاری، چین میں کووڈ 19 کی پابندیوں اور امریکہ میں سپلائی چین کی وجہ سے مشکلات کا سامنا ہے۔
ماہرین کا خیال ہے کہ اقتصادی کساد بازاری ٹیسلا کی گاڑیوں کے لیے تباہ کن ثابت ہوسکتی ہے جس کا اثر ایلون مسک کے اثاثوں پر بھی ہوگا۔
خیال رہے کہ گذشتہ سال کے مقابلے میں ایلون مسک کی دولت میں 50 فیصد کمی آئی ہے جب کہ گذشتہ سال نومبر میں ایلون مسک کے اثاثوں کی مالیت 340 ارب ڈالرز تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News