بچوں کے عالمی دن کے موقع پر بھی کشمیری بچوں کو سفاک بھارتی فوج کے مظالم کا سامنا ہے۔
بچوں کے عالمی دن کے موقع پر کشمیر میڈیا سروس کی جانب سے جاری کردہ رپورٹ کے مطابق مقبوضہ کشمیرکے بچے بھارت کے ظالمانہ قبضے سے سب سے زیادہ متاثر ہیں کیونکہ بھارتی فوجی انہیں قتل، گرفتاراور چھرے چلاکر بینائی سے محروم کر رہی ہیں۔
رپورٹ میں افسوس کا اظہار کرتے ہوئے کہا گیا ہے کہ مقبوضہ کشمیر میں 1989 سے لے کر اب تک ایک لاکھ 7 ہزار 889 سے زائد بچے یتیم ہوچکے ہیں۔
رپورٹ کے مطابق بھارتی فوج نے سینکڑوں بچوں کو شہید کیا اور سینکڑوں بھارتی فوجیوں کی پیلٹ فائرنگ کی وجہ سے اپنی بینائی سے محروم ہو چکے ہیں۔ جنوری 1989 سے اب تک 915 بچے شہید ہوچکے ہیں۔
رپورٹ میں کہا گیا کہ بھارتی فوجی مقبوضہ علاقے میں نام نہاد محاصرے اور تلاشی کی کارروائیوں کے دوران معصوم بچوں کو گرفتار کرتے ہیں اور پھر انہیں تشدد کا نشانہ بنایا جاتا ہے۔
مقبوضہ کشمیر میں بچے اپنے پیاروں کو اپنی آنکھوں کے سامنے قتل ہوتے دیکھ کر زندگی بھر کے لیے صدمے کا شکار ہوجاتے ہیں جس کی وجہ سے کشمیری بچوں کی جسمانی اور نفسیاتی صحت پر منفی اثرات پڑتے ہیں۔
رپورٹ میں یہ بھی کہا گیا ہے کہ ’اب وقت آگیا ہے کہ بھارتی فوجیوں کے ہاتھوں کشمیری بچوں پر مظالم کو تسلیم کیا جائے، عالمی برادری کو مقبوضہ کشمیرکے بچوں کی حالت زار کو فراموش نہیں کرنا چاہیے‘۔
انہوں نے کہا کہ مقبوضہ کشمیرمیں بچوں کے حقوق سے متعلق عالمی کنونشن پر عملدرآمد نہ کرنا عالمی ضمیر پر ایک سوالیہ نشان ہے۔
انہوں نے مزید کہا کہ دنیا کو بھارتی فوج کی طرف سے کشمیری بچوں کے انسانی حقوق کی سنگین خلاف ورزیوں کا نوٹس لینا چاہیے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News