سال 2022  اب تک گزشتہ دو سالوں 2020 اور 2021 کی نسبت کافی بہتر رہا  ہے تاہم رواں برس روس یوکرین جنگ سمیت  گلوبل وارمنگ کے شدید اثرات  پوری دنیا پہ اثر انداز ہوئےہیں۔

نئے سال کے آغاز سے سب کو یہی توقع  ہوتی ہے کہ گذشتہ سال کے مقابلے  میں انہیں اس سال زیادہ خوشیاں ملیں اور کوئی مشکل مرحلہ نہ آئے بلکہ زندگی میں آسائشات کی بھرمار ہو۔

تاہم 2023 سے متعلق   چند دل دہلا دینے والی پیشگوئیاں  سامنے آئی ہیں جس سے لگتا ہے کہ  دنیا کو 2020 اور 2021  سے زیادہ مشکلات و تباہی کا  سامنا  کرنا پڑسکتا ہے۔

1996 میں انتقال کرنجانے والی بابا وانگا کے نام سے مشہور بلغاریہ کی آنجہانی نجومی خاتون نے دنیا سے متعلق کئی تباہ کن پیشگوئیاں کی تھیں  جن میں سے  کئی پوری ہوچکی ہیں۔

بابا وانگا کی سال 2022 سے متعلق کی گئی چھ  میں سے چار پیشگوئیاں پوری ہوچکی ہیں۔

ان کی سب سے مشہور  پیشگوئیوں میں 11 ستمبر 2001 کو نیویارک میں ورلڈ ٹریڈ سینٹر پر حملہ، چرنوبل جوہری حادثہ، شہزادی ڈیانا کی موت، 2004 کا سونامی اور یورپی یونین سے برطانیہ کا اخراج شامل ہیں تاہم اس کے علاوہ ان کی بعض پیش گوئیاں غلط بھی ثابت ہوئیں۔

سال 2023 سے متعلق  بھی بابا وانگا   نے کچھ تباہ کن پیشگوئیاں   کی تھیں جو اگر پوری ہوگئیں تو کرہ ارض پر زندگی انتہائی مشکل ہوجائے گی۔

بابا وانگا  نے پیشگوئی  کی ہے کہ 2023 میں زمین کے مدار میں تبدیلی کا سب سے بڑا فلکیاتی حادثہ پیش آسکتا ہے جس سے  زمین پر کئی ایسی تبدیلیاں رونما ہو سکتی ہیں جن کے اثرات تباہ کن ہو ں گے۔

فلکیاتی تبدیلی سے دنیا کو شمسی طوفان کا سامنا بھی کرنا پڑسکتا ہے   جس کی وجہ سے دنیا بھر کی فضاء میں تابکاری کی سطح بلند ہو گی۔

اس کے علاوہ انہوں نے 2023 میں خلائی مخلوق کے دنیا پر حملے کی بھی پیشگوئی کی ہے جس میں لاکھوں افراد  ہلاک ہوسکتے ہیں۔

بابا وانگا نے دنیا کے چند سپر پاور ممالک میں سے ایک کے حیاتیاتی ہتھیاروں کے استعمال کے باعث بڑے پیمانے پر ہلاکتوں کی پیشگوئی بھی کی ہے۔

بابا وانگا کی اس پیشگوئی کو تیسری عالمی جنگ کا پیش خیمہ سمجھے جانے والے حالیہ روس  یوکرین تنازع کی وجہ سے بالکل بھی نظر انداز نہیں کیا جا سکتا۔

بابا وانگا نے آئندہ آنے والے سالوں کے لیے بھی بڑی پیشگوئیاں کی ہیں  جن میں سے ایک بڑی پیشگوئی 2028 میں انسان کے وینس پر پہنچنے کی  ہے۔

انہوں نے سال 5079 کو دنیا کے خاتمے  کا سال قرار دیا ہے۔