چینی صوبے خنان کے شہر آنگیانگ کی ایک فیکٹری میں آتشزدگی کا واقعہ رپورٹ ہوا ہے جس میں 36 افراد کی ہلاکت رپورٹ ہوئی ہے۔
غیر ملکی خبر رساں ادارے کے مطابق چین کے صوبے خنان کے شہر آنگیانگ میں ایک فیکٹری میں آگ لگنے سے 38 افراد ہلاک اور دو زخمی ہوگئے ہیں۔
رپورٹ کے مطابق آنگیانگ کے ہائی ٹیک زون میں واقع ایک فیکٹری میں اچانک آگ بھڑک اٹھی جس نے عمارت کے بڑے حصے کو اپنی لپیٹ میں لے لیا۔
آگ کے باعث علاقے میں دھوئیں کے بادل چھا گئے جب کہ آتشزدگی سے ہلاک ہونے والے 38 افراد کی لاشوں اور متعدد زخمی افراد کو اسپتال منتقل کردیا گیا ہے۔
رپورٹ میں کہا گیا ہے کہ فیکٹری میں لگی آگ پر 63 فائرٹینڈرزنے کئی گھنٹوں کی جدوجہد کے بعد قابو پالیا ہے تاہم فیکٹری میں آگ لگنے کی وجہ تاحال معلوم نہیں ہوسکی ہے۔
حکام کے مطابق زخمیوں میں سے چند کی حالت تشویش ناک ہے اور ہلاکتوں میں اضافے کا خدشہ ہے۔
پبلک سیکیورٹی ڈپارٹمنٹ کے اہلکاروں نے آتشزدگی کا شکار فیکٹری سے کچھ مشتبہ افراد کو تحویل میں لیا ہے لیکن ان کی تفصیل نہیں بتائی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News