بھارتی پولیس نے چوہوں پر 500 کلو چرس کھانے کا الزام عائد کردیا۔
بھارتی میڈیا کے مطابق متھورا شہر کی پولیس رپورٹ میں کہا گیا ہے کہ گوداموں میں رکھی 500 کلو چرس چوہوں نے کھا لی ہے۔
بھارتی شہر متھورا کی پولیس نے عدالت میں ایک رپورٹ جمع کروائی ہے جس میں دعویٰ کیا گیا ہے کہ شیر گڑھ اور ہائی ویز پولیس اسٹیشنز کے گوداموں میں رکھی گئی 500 کلو چرس چوہوں نے کھا لی۔
پولیس کی طرف سے جمع کرائی گئی رپورٹ پر سماعت کرتے ہوئے عدالت نے متھورا کے ایس ایس پی ابھیشک یادیو کو حکم دیا کہ چوہوں کے خطرے سے چھٹکارا حاصل کرکے یہ ثابت کریں کہ چوہے 60 لاکھ روپے سے زائد کی مالیت کی 581 کلو چرس کھا گئے۔
پولیس کی طرف سے یہ رپورٹ اس وقت جمع کرائی گئی ہے جب گزشتہ سال عدالت نے متھورا پولیس کو ایک مقدمے میں ضبط کی گئی چرس پیش کرنے کا حکم دیا تھا۔
سرکاری وکیل رنویر سنگھ کا کہنا ہے کہ شیر گڑھ اور ہائی وے پولیس اسٹیشنز کے ایس ایچ اوز نے دعویٰ کیا کہ گوداموں میں رکھی گئی 581 کلو چرس چوہوں نے کھا لی۔
عدالت نے پولیس گودام میں رکھی گئی چرس کو نیلام کرنے کے لیے پانچ نکاتی ہدایات بھی جاری کی ہیں۔
نگران ایس ایس پی متھورا مارتند پی سنگھ کا کہنا ہے کہ عدالتی احکامات کے مطابق کارروائی کی جائے گی۔ پولیس کے لیے گوداموں میں رکھے گئے مواد کو محفوظ کرنا مشکل ہو گیا ہےکیونکہ وہاں بڑی تعداد میں چوہے موجود ہیں۔
عدالت نے پولیس کو اپنا دعویٰ ثابت کرنے کا حکم دیتے ہوئے اگلی سماعت 26 نومبر کو مقرر کردی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News