مختلف شکایات پر ٹوئٹر نے بھارت میں 54 ہزار سے زائد اکاؤنٹس بند کردیے

ویب ڈیسک

03rd Nov, 2022. 12:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مختلف شکایات پر ٹوئٹر نے بھارت میں 54 ہزار سے زائد اکاؤنٹس بند کردیے

ٹوئٹر نے بچوں کے جنسی استحصال، فحش مواد سمیت دہشت گردی کو فروغ دینے پر بھارت میں 54 ہزار سے زائد اکاؤنٹس بند کردیے ہیں۔

خبر رساں ادارے کے مطابق ٹوئٹر نے بچوں کے جنسی استحصال، عریانیت اور دیگر فحش مواد کو فروغ دینے پر 26 اگست سے 25ستمبر کے درمیان بھارت میں 52 ہزار 141 اکاﺅنٹس بند کر دیے ہیں جب کہ دہشت گردی کو فروغ دینے پر 1 ہزار 982 اکاﺅٹس کو بند کیا گیا ہے۔

ٹوئٹر نے بھارت کے نئے آئی ٹی قانون 2021 کی تعمیل سے متعلق اپنی ماہانہ رپورٹ میں کہا ہے کہ اسے شکایات کے ازالہ نظام کے ذریعے 157 شکایات موصول ہوئیں اور 129 معاملوں میں کارروائی کی گئی۔

یہ بھی پڑھیں: ٹوئٹر کا بھارتی حکومت کے خلاف عدالت میں کیس دائر

رپورٹ میں کہا گیا کہ اس کے علاوہ ان 43 شکایات پر کارروائی کی گئی جن میں اکاﺅنٹس کی معطلی کے خلاف اپیل کی گئی تھی لیکن ان میں سے کسی بھی اکاﺅنٹ کی معطلی واپس نہیں لی گئی ہے اور وہ سارے بدستور معطل ہیں۔

یاد رہے کہ گزشتہ ماہ دہلی کمیشن برائے خواتین کی چیئرپرسن سواتی مالیوال نے کہا تھا کہ چائلڈ پورنو گرافی کی شکایات پر ٹوئٹرسے موصول ہونے والے جوابات نامکمل ہیں اور کمیشن ان سے مطمئن نہیں ہے۔