امریکہ میں وسط مدتی انتخابات کو تین دن گزرنے کے باوجود بھی کونگریس پر کسی پارٹی کو کنٹرول حاصل نہیں ہوسکا ہے۔
غیر ملکی خبر رساں ادارے کے مطابق امریکہ کی تین ریاستوں ایروزونا، نیواڈا اور جارجیا میں چھ دسمبر کو رن آف الیکشن منعقد ہوں گے جب کہ سینیٹ کا کنٹرول بھی ان ریاستوں پر ہی منحصر ہے۔
رپورٹ کے مطابق ایوان نمائندگان میں ری پبلکن کو 435 نشستوں میں سے 213 نشستوں کے ساتھ اکثریت حاصل ہے لیکن متوقع تعداد میں کمی ہورہی ہے جب کہ ڈیموکریٹس کو 206 نشستیں حاصل ہوئی ہیں۔
واضح رہے کہ ایوان نمائندگان میں اکثریت حاصل کرنے کے لیے کسی بھی پارٹی کو 218 نشستیں درکار ہیں۔
دوسری جانب سینیٹ میں ری پبلکنز نے 49 نشستیں حاصل کرلی ہیں جب کہ ڈیموکریٹس کو 48 نشستیں حاصل ہوئی ہیں۔
رپورٹ کے مطابق ایروزونا میں ڈیموکریٹ جیت سکتی ہے جب کہ الاسکا ری پبلکن کے نام رہے گا اور نیواڈا میں کوئی بھی پارٹی جیت سکتی ہے۔
خیال رہے کہ امریکہ میں انتخابات ڈی سینٹرلائزڈ ہوتے ہیں اور 50 ریاستیں اس قانون پر عمل کرتی ہیں، امریکہ میں کچھ شہری مشینوں کے ذریعے ووٹ ڈالتے ہیں جب کہ بعض کاغذی کارروائی کے ذریعے ووٹ ڈالتے ہیں۔
امریکہ میں ایسے لوگ بھی ہیں جو ڈاک کے ذریعے اپنا ووٹ ارسال کرتے ہیں اور کچھ خود جاکر پول کرتے ہیں جب کہ ڈاک کے ذریعے ووٹ ڈالنے والوں کے پاس ڈراپ باکس کا اختیار بھی موجود ہوتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News