یونان میں لگنے والی آگ نے دارالحکومت ایتھنز کو بھی گھیر لیا ہے۔

غیر ملکی خبر رساں ادارے کی رپورٹ کے مطابق ایتھنز کے نواحی علاقے منیدی میں آگ بھڑک اٹھی ہے۔

رپورٹ کے مطابق منیدی میں مہاجرین کے کیمپ واقع ہے جس میں 700 سے زائد مہاجرین کو رکھا گیا تھا جب کہ آگ کیمپ کی نزدیک پہنچ گئی ہے۔

آگ پھیلنے کے بعد مہاجرین کو مالاکاسا کیمپ میں منتقل کردیا گیا ہے، ان قیدیوں میں سب سے زیادہ تعداد پاکستانیوں کی ہے جب کہ قیدی مہاجرین میں 300 سے زائد پاکستانی ہیں۔

واضح رہے کہ یونان میں اس وقت چار لاکھ کنال سے زائد جنگلات پر آگ لگی ہوئی ہے۔

فائر بریگیڈ کے چیف کا کہنا ہے کہ ان کی 32 سالہ سروس میں انہوں نے اتنی زیادہ آگ نہیں دیکھی۔

واضح رہے کہ یونان کے جنگلات میں لگنے والی آگ میں 18 تارکین وطن جل کر ہلاک ہوگئے ہیں، ان افراد کی لاشیں یونان سے متصل ترکیہ کی سرحد پر ملی ہیں۔

میڈیا رپورٹس میں بتایا گیا تھا کہ یونان کے جنگلات میں لگی آگ کو آج پانچواں دن ہے جس کو بجھانے کے لیے 4 جہاز، 3 ہیلی کاپٹر اور 200 سے زائد فائٹر مصروف ہیں۔

تمام تر کوششوں کے باجود بھی حکام آگ کو بجانے میں ناکام دکھائی دے رہے ہیں جب کہ آگ مسلسل پھیلتی ہی جارہی ہے۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں