سری نگر: بھارت کے یوم آزادی کے موقع پر مقبوضہ علاقے جموں و کشمیر میں یوم سیاہ منایا جارہا ہے۔

کشمیری میڈیا کے مطابق بھارت کے یوم آزادی کے موقع پر مقبوضہ علاقے جموں و کشمیر میں حریت قیادت کی کال پر یوم سیاہ منایا جارہا ہے جب کہ مقبوضہ وادی میں مکمل ہڑتال ہے۔

اس موقع پر مقبوضہ کشمیر میں تعلیمی ادارے، دکانیں اور کاروباری مراکز مکمل بند ہیں اور ٹرانسپورٹ بھی معطل ہے۔

رپورٹ کے مطابق بھارتی مظالم اور غاصبانہ قبضے کے خلاف کشمیریوں نے گھروں پر سیاہ پرچم لگا دیے ہیں۔ قابض بھارتی فورسز نے کشمیریوں کو احتجاج سے روکنے کے لیے سیکیورٹی مزید سخت کرتے ہوئے اضافی نفری تعینات کی ہے۔

وادی کی اہم شاہراہوں کو خاردار تار لگا کر بند کردیا گیا ہے جب کہ مختلف علاقوں میں موبائل اور انٹرنیٹ سروس بند کردی گئی۔ علاوہ ازیں قابض بھارتی فوج نے متعدد کشمیری نوجوانوں کو گرفتار کرلیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/world/2023/08/933318/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/08/933318/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں