امریکہ نے بھی کینیڈا کے ساتھ تنازعہ پر بھارت کو سرخ جھنڈی دکھا دی۔

بین الاقوامی خبر رساں ادارے کے مطابق امریکہ  کے مشیر برائے قومی سلامتی جیک سلیوان کا کہنا ہے کہ ایسے اقدامات پر کسی کو خاص رعایت نہیں دی جا سکتی۔

جیک سلیوان نے کہا کہ امریکہ محض بھارت کے ملوث ہونے پر اس معاملے سے پیچھے نہیں ہٹے گا۔ چاہے کوئی بھی ملک ہو امریکہ اپنے اصولوں پر کھڑا رہے گا۔

انہوں نے مزید کہا کہ امریکہ اور کینیڈا میں بھارت کے ساتھ سفارتی تنازعے پر کوئی اختلاف نہیں ہے۔ امریکہ  کینڈین خدشات پر تحقیقات کو قریب سے دیکھ رہا ہے۔

مشیر برائے قومی سلامتی نے کہا کہ سکھ رہنما کے قتل پر کچھ عناصر امریکہ اور کینیڈا میں اختلافات پیدا کرنا چاہتے ہیں۔ میں سختی سے امریکہ اور کینیڈا میں اختلافات کی تردید کرتا ہوں۔

جیک سلیوان نے کینیڈا کے ساتھ مکمل حمایت کا اعلان کرتے ہوئے کہا کہ امریکہ مکمل طور پر کینیڈا کے ساتھ کھڑا ہے۔ ہم چاہتے ہیں کہ اس واقعے میں ملوث عناصر کو انصاف کے کٹہرے میں لایا جائے۔

انہوں نے کہا کہ ہم مسلسل اپنے کینیڈین ساتھیوں کے ساتھ رابطے میں ہیں۔ اس معاملے پر ہم بھارت سے بھی رابطے میں ہیں۔ یہ اہم اور سنجیدہ معاملہ ہے، ہم چاہتے ہیں کہ سکھ رہنما کے قتل کی تحقیقات مکمل ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں