اسپین میں شدید بارشوں سے سیلابی صورتحال پیدا ہوگئی۔

بین الاقوامی خبر رساں ادارے کے مطابق  اسپین کے مشرقی ساحل پر الکانار، تاراگونا میں گزشتہ 24 گھنٹوں میں 215 لیٹر فی مربع میٹر بارش  نے سیلابی صورتحال پیدا کرکے مکینوں کو گھروں تک محدود کردیا ہے۔

دارالحکومت میڈرڈ کے میئر نے اتوار کے روز تمام رہائشیوں کو گھروں میں رہنے کا مشورہ دیا  ہے کیونکہ مزید طوفانی بارشوں کا خطرہ ہے۔

قومی موسمیاتی ایجنسی اے ای ایم ای ٹی نے اتوار کے لیے میڈرڈ کے علاقے، صوبہ ٹولیڈو اور کیڈیز شہر میں زیادہ سے زیادہ ریڈ الرٹ جاری کیا، جس کا مطلب ممکنہ انتہائی خطرہ ہے۔

اس میں کہا گیا ہے کہ میڈرڈ میں 120 لیٹر فی مربع میٹر بارش 12 گھنٹے تک ہو سکتی ہے۔

میڈرڈ کی ایمرجنسی سروسز نے مکینوں کو ٹیکسٹ بھیج کر انہیں سیلاب کے خطرات سے آگاہ کیا اور انہیں گاڑیوں کا استعمال نہ کرنے کا مشورہ دیا۔

لا لیگا نے الرٹ کی وجہ سے میڈرڈ کے وانڈا میٹرو پولیٹانو اسٹیڈیم میں ایٹلیٹیکو میڈرڈ اور سویلا کے درمیان شام کا میچ معطل کر دیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں