حماس کی قید سے رہا ہونے والی اسرائیلی خاتون نے آپ بیتی سنادی ہے۔

غیر ملکی خبر رساں ادارے کی رپورٹ کے مطابق حماس کی قید سے رہا ہونے والی 85 سالہ اسرائیلی خاتون کا گفتگو کرتے ہوئے کہنا تھا کہ حماس کے ساتھ دوستانہ تعلق رہا۔

انہوں نے بتایا کہ قید کے دوران حماس نے ہمارے ساتھ اچھا برتاؤ کیا اور ہماری تمام ضرورتوں کو پورا کیا، یرغمال بنائے جانے کے دوران ڈاکٹر ہمارا معائنہ بھی کرتا رہا۔

اسرائیلی خاتون نے کہا کہ یرغمالی خاتون کو غزہ میں سرنگوں میں رکھا گیا تھا، حماس کے لوگوں نے ہمیں بتایا کہ وہ قرآن پر یقین رکھتے ہیں اور ہمیں نقصان نہیں پہنچائیں گے۔

خیال رہے کہ گزشتہ 3 دنوں کے دوران حماس نے انسانی ہمدردی کی بنیاد پر 4 خواتین کو رہا کیا ہے جن میں دو امریکی خاتون بھی شامل ہیں۔

حماس کی جانب سے جاری بیان میں کہا گیا ہے کہ قطر اور مصر کی ثالثی میں مزید دو خواتین کو رہا کردیا گیا ہے۔ رہا کئی گئیں دونوں معمر خواتین 79 سالہ نوریت کوپر اور 85 سالہ یوشیوڈ لیفشٹز کا تعلق اسرائیل سے ہے۔

حماس نے اپنے بیان میں مزید کہا کہ دونوں خواتین کو انٹرنیشنل ریڈ کراس کے ذریعے اسرائیلی حکام کے حوالے کیا گیا۔ دشمن نے ان کو قبول کرنے سے انکار کیا اور ہمارے قیدیوں کے معاملے کو نظر انداز کیا لیکن اس کے باوجود اسرائیلی قیدیوں کو رہا کیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں