پاکستان کے 78 ویں یوم آزادی کے موقع پر امریکی وزیر خارجہ نے پاک امریکہ شراکت داری کو مزید تقویت دینے کے عزم کا اظہار کیا ہے۔

امریکی وزیر خارجہ اینٹنی بلنکن نے پاکستان کو یوم آزادی کی مبارکباد پیش کرتے ہوئے کہا کہ تمام امریکی شہریوں کی جانب سے پاکستان کی عوام کو 78 ویں یوم ازادی پر مبارکباد پیش کرتا ہوں۔

اینٹنی بلنکن کہتے ہیں کہ 77 برس سے پاکستان اور امریکی عوام کے تعلقات دونوں ممالک کے تعلقات کی بنیاد ہیں، رواں برس پاکستان اور امریکہ کی شراکت داری کو مزید تقویت دی جائے گی۔

ان کا کہنا تھا کہ دونوں ممالک کے خوشحال مستقبل کے لیے عوامی رابطوں کو مزید فروغ دیا جائے گا، پاکستان اور امریکہ جمہوری اصولوں اور قانون کی حکمرانی کے اصول پر یقین رکھتے ہیں۔

وزیر خارجہ اینٹنی بلنکن مزید کہتے ہیں کہ پاکستان اور امریکہ کے درمیان شراکت داری رکھنے کے متمنی ہیں تاکہ دونوں ملکوں کو مزید محفوظ بنائے جاسکیں۔