امریکی صدارتی انتخابات  کے لیے ریپبلکن امیدوارڈونلڈ ٹرمپ اور ڈیموکریٹک امیدوار کملا ہیرس پہلے صدارتی مباحثے میں آمنے سامنے آگئے۔

امریکی نشریاتی ادارے پر براہ راست دکھائے جانے والے مباحثے کے آغاز سے قبل دونوں صدارتی امیدواروں نے  اسٹیج پر ایک دوسرے  سے گرمجوشی سے مصافحہ کیا۔

صدارتی مباحثے کا آغاز کرتے ہوئے کاملاہیرس نے کہا کہ ہمیشہ مڈل کلاس طبقےکی بہتری کیلئےآواز اٹھائی، میرےپاس معیشت سےمتعلق پریشان امریکیوں کی مددکاپلان ہے۔

انہوں نے کہا کہ ملک کومتحدکرنےکی ضرورت ہے،امریکی عوام  ڈونلڈٹرمپ کےدورمیں واپس نہیں جاناچاہتی ، ان کےدور میں ہرطرف افراتفری تھی۔

کملا ہیرس کا کہنا تھا کہ ڈونلڈٹرمپ کے پاس کوئی پلان نہیں ہے۔  ڈونلڈٹرمپ کےدورمیں پھیلائےگئےگندکو ہم نے صاف کیا۔ان کے دور میں ملک میں پبلک ہیلتھ کی حالت بدترین تھی۔

انہوں نے کہا کہ ڈونلڈٹرمپ نےسول جنگ کےبعدجمہوریت پربدترین حملہ کیا۔   ہم نےجوکیا اور جوکرناچاہتےہیں وہ امریکیوں کی امید اور خواہش ہے۔

کملاہیرس نے کہا کہ ڈونلڈٹرمپ اسقاط حمل کےبارےمیں جھوٹ بول رہےہیں، ڈونلڈٹرمپ کی اسقاط حمل کی پالیسی امریکی خواتین کی توہین ہے۔

انہوں نے مزید کہا کہ ڈونلڈٹرمپ نےامریکیوں کوبدترین بےروزگاری سے دوچار کیا، ان کو 81 ملین لوگوں نے مستردکردیا۔

کملاہیرس نے کہا کہ ہم  ایسےشخص کو صدربنانےکےمتحمل نہیں ہوسکتےجو ووٹرز کی رائے پر ڈاکاڈالنےکی کوشش کرے اور ڈونلڈ ٹرمپ  ماضی میں یہ کوشش کر چکے ہیں۔

انہوں نے کہا کہ میں نے بطور نائب صدر دنیابھرکےدورےکیے، میں نےجس عالمی رہنماسےبات کی اسےٹرمپ پر ہنستےہوئے پایا، میں نےکئی ملٹری لیڈرز سےبات کی جن کی اکثریت کےساتھ آپ نےکام کیا، وہ لوگ کہتے ہیں کہ آپ عزت کےقابل نہیں ہیں۔

کملا ہیرس کا کہنا تھا کہ 7 اکتوبر2023 کواسرائیل پرحملہ ہواجس کےدفاع کااسرائیل کوپوراحق ہے، دنیاکواسرائیل فلسطین تنازع کےدوریاستی حل کی جانب جاناچاہیے۔

اس کے جواب میں سابق امریکی صدر اور ریپلکن صدارتی امیدوار ڈونلڈ ٹرمپ کا کہنا تھا کہ گزشتہ چندسال میں امریکیوں کو مہنگائی کاسامناکرناپڑا جبکہ میرےدور میں متوسط طبقہ خوشحال تھا۔

ڈونلڈٹرمپ نے کہا کہ کملاہیرس نےجوبائیڈن کےمعاشی پلان کی کاپی کی،کملاہیرس کے پاس معیشت کی بہتری کیلئےکوئی پلان نہیں ہے۔ بائیڈن اورکملانےملک کوتباہ کیا، میرےدورحکومت میں افراط زرنہیں تھا،ان کےدورمیں افراط زرسب سےزیادہ ہے۔

ان کا کہنا تھاکہ  پروجیکٹ2025سےمیراکوئی تعلق نہیں ہے۔

ڈونلڈ ٹرمپ نے کہاکہ اگر وہ اقتدار میں ہوتے تو حماس اور اسرائیل جنگ کی نوبت ہی نہ آ تی، روس، یوکرین جنگ  بھی روکنا چاہتا ہوں، روس یوکرین جنگ کاخاتمہ امریکاکےبہترین مفادمیں ہے۔

ڈونلڈ ٹرمپ  نے کہا کہ    ہمیشہ مڈل کلاس طبقے کی بہتری کیلئےآوازاٹھائی،  میرامقصدامریکی عوام کےخوابوں کی تعبیرہے، ٹیکس میں کمی کرنامیرامنشورہے، ٹیکس کم کرنےکااثرامریکی معیشت پرپڑے گا۔

انہوں نے مزید کہا کہ  چھوٹےکاروباری افرادکومزیدسہولتیں فراہم کریں گے۔گزشتہ چندسالوں میں امریکیوں کومہنگائی کا سامنا کرنا پڑا ۔

ڈونلڈ ٹرمپ نے کہا کہ جوکچھ یہ ہمارےملک کےساتھ کررہے ہیں یہ جرم سے کم نہیں ہے۔ان کی پارٹی نےامریکہ کی خوشحالی کی تمام پالیسیوں کوتباہ کردیا۔ان کی وجہ سےہماراملک ناکام ریاست کی طرح تباہی کےدہانےپرکھڑاہے، ہماری پالیسی یہی ہےکہ ہم دوبارہ امریکہ کوعظیم تربنائیں گے۔

انہوں نے کہا کہ ایران پرپابندیاں لگائی تھی جوموجودہ حکومت نےہٹاکراسےامیرملک بنادیا۔بائیڈن اورکاملانےیورپ کوتجارتی فوائددیے۔