غزہ؛ خان یونس میں اسرائیل کا وحشیانہ حملہ، 40 فلسطینی شہید اور 65 زخمی

ویب ڈیسک

10th Sep, 2024. 03:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ؛ خان یونس میں اسرائیل کا وحشیانہ حملہ، 40 فلسطینی شہید اور 65 زخمی

غزہ: خان یونس میں اسرائیل نے وحشیانہ حملہ کرکے 40 فلسطینیوں کو شہید جب کہ 65 کو زخمی کردیا۔

غیر ملکی خبر رساں ادارے کی رپورٹ کے مطابق اسرائیل نے تازہ ترین وحشیانہ حملے میں خان یونس کا نشانہ بنایا جس کے نتیجے 40 فلسطینی شہید اور 65 زخمی ہوگئے۔

غزہ کی سول ڈیفنس ایجنسی کے مطابق اسرائیل نے فلسطین کے جنوب میں ایک پناہ گزین کیمپ کو نشانہ بنایا جب کہ اس علاقے میں ہزاروں فلسطینی پناہ لیے ہوئے ہیں۔

مقامی ڈاکٹروں کا کہنا ہے کہ اسرائیل نے خان یونس کے قریب المواسی میں خیمہ کیمپ کو چار میزائلوں سے نشانہ بنایا ہے جب کہ یہ کیمپ ہزاروں بے گھر فلسطینیوں سے بھرا ہوا ہے۔

غزہ کی سول ایمرجنسی کے مطابق میزائل حملوں کے بعد 30 فٹ گہرے گڑھے پڑ گئے ہیں جب کہ 20 کیمپوں میں بھی آگ لگ گئی ہے۔

غزہ کی سول ایمرجنسی نے بتایا کہ زخمیوں میں خواتین اور بچوں کی بڑی تعداد شامل ہے۔

دوسری جانب اسرائیل کی جانب سے جو موقف سامنے آیا ہے اس میں اسرائیلی فوج نے دعویٰ کیا ہے کہ اس علاقے میں حماس کے ایک کمانڈر کو نشانہ بنایا گیا ہے۔