واشنگٹن: امریکہ کے صدارتی امیدوار ڈونلڈ ٹرمپ اور کملا ہیرس کے درمیان اہم صدارتی مباحثہ آج ہوگا۔

غیر ملکی خبر رساں ادارے کی رپورٹ کے مطابق ری پبلکن کے صدارتی امیدوار ڈونلڈ ٹرمپ اور ڈیموکریٹک پارٹی کی امیدوار کملا ہیرس کے درمیان اہم صدارتی مباحثہ آج ہوگا۔

رپورٹ کے مطابق کملا ہیرس اور ڈونلڈ ٹرمپ کے درمیان ہونے والے مباحثے کے لئے تیاریاں مکمل کرلی گئی ہیں جب کہ کملا ہیرس اور ڈونلڈ ٹرمپ کی مقبولیت 49-49 فیصد ہے۔

رپورٹ میں کہا گیا ہے کہ سفید فام ووٹرز کی اکثریت ڈونلڈ ٹرمپ کی حامی ہے جب کہ سیاہ فام، ایشیائی اور لاطیسنو ووٹرز کی اکثریت کملا ہیرس کی حامی ہے۔

رپورٹ میں بتایا گیا ہے کہ کملا ہیرس کے مقابلے میں ڈونلڈٹرمپ کی مقبولیت ایک فیصد بڑھ گئی ہے، ڈونلڈ ٹرمپ کا الیکٹرول کالج جیتنے کا امکان 63 فصد سے بھی زیادہ ہے۔

خیال رہے کہ آج ہونے والے مباحثے کو نومبر میں ہونے والے صدارتی انتخابات کے لیے اہم قرار دیا جارہا ہے جب کہ مباحثے کے لیے 90 منٹ کا وقت مقرر کیا گیا ہے۔

دونوں امیدواروں نے اس سے قبل کبھی بالمشافہ یا ٹیلی فون پر بھی بات نہیں کی ہے، لاکھوں امریکی شہری اس مباحثے کو دیکھیں گے۔

یہی وجہ ہے کہ مباحثے کو دونوں اُمیداروں کے لیے اُن ووٹرز کی توجہ حاصل کرنے کے لیے اہم سمجھا جا رہا ہے جو تاحال کسی اُمیدوار کی جانب جھکاؤ نہیں رکھتے۔