غزہ میں جاری مسلسل اسرائیلی بمباری سے گزشتہ 24 گھنٹوں کے دوران 44 افراد شہید، 123 زخمی ہوگئے ہیں۔۔

اسرائیلی فوج نے غزہ سٹی، نصیرات اور بیت لاحیہ کے علاقوں کو نشانہ بنایا، جبکہ مغربی کنارے میں بھی 2 فلسطینیوں کو شہید متعدد زخمی ہوئے ہیں۔

غزہ میں اسرائیلی بربریت کا نشانہ بننے کر شہید ہونے والوں کی مجموعی تعداد 43 ہزار 552 ہوگئی، ایک لاکھ 765 زخمی ہو چکے ہیں،  اقوام متحدہ انسانی حقوق کے مطابق غزہ میں اسرائیلی جارحیت سے شہید ہونے والوں میں 70 فیصد خواتین اور بچے شامل ہیں۔

اقوام متحدہ نے غزہ میں اسرائیل کی جانب سے فلسطینیوں کی نسل کشی پر رپورٹ جاری کی ہے۔

جاری کردی رپورٹ کے مطابق غزہ جنگ کے پہلے 6 ماہ میں 34 ہزار500 فلسطینی شہیدہوئے، جبکہ اسرائیلی اقدامات نےغزہ کے شہریوں کی زندگی خطرے میں ڈال دی، امدادی سامان روکنا، گھروں پربمباری، نقل مکانی پر مجبورکرنا غیرقانونی اقدامات ہیں۔

دوسری جانب اسرائیل کے جنوبی بیروت پر حملے سے 15 افراد شہید اور متعددزخمی ہوگئے ہیں۔

اسرائیل نے لبنان کے جنوبی مضافاتی علاقوں میں 9 مقامات پر بمباری کی، اور حریت حریک، برج البراجنہ اورالحدث کے علاقوں کونشانہ بنایاگیا، جبکہ اسرائیلی فوج کی طرف سے رہائشیوں کو علاقہ چھوڑنے کا حکم دیا گیا ہے، لبنان میں اب تک 3 ہزار117افراد جاں بحق، 13 ہزار888 زخمی ہوچکے ہیں۔