روس، اسرائیل اور حزب اللہ کے درمیان جنگ بندی کروانے کے لیے تیار

ویب ڈیسک

11th Nov, 2024. 03:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس، اسرائیل اور حزب اللہ کے درمیان جنگ بندی کروانے کے لیے تیار

روس نے اسرائیل اور حزب اللہ کے درمیان جنگ بندی کا معاہدہ کروانے کے لیے رضامندی ظاہر کردی۔

غیر ملکی خبر رساں ادارے کی رپورٹ کے مطابق ایک سینئر روسی اہلکار نے اسرائیلی میڈیا کو بتایا کہ روس، اسرائیل اور حزب اللہ کے درمیان جنگ بندی کا معاہدہ کروانے کے لیے تیار ہوگیا ہے۔

روسی اہلکار کا کہنا تھا کہ روس ہر اس چیز کی مدد اور حمایت کے لیے تیار ہے جو شہری آبادی میں قتل و غارت کو روکنے اور شہری انفراسٹرکچر کو تباہی سے بچانے کے لیے مددگار ثابت ہو۔

خبر رساں ادارے کا کہنا ہے کہ روس ایرانی اسلحہ کی اسمگلنگ کی روک تھام کے لیے شام کے صدر بشار الاسد پر دباؤ ڈالے گا کہ وہ اپنی سرزمین سے حزب اللہ کے لیے اسلحہ کی اسمگلنگ کو روکے۔

دوسری جانب اسرائیلی وزیر اعظم نیتن ہاہو نے لبنان میں پیجر اور واکی ٹاکی حملے کی ذمہ داری قبول کرلی ہے۔