وہ جوہری جنگ نہیں ہوسکتی ہے جو دنیا کا خاتمہ کرے، نہ ہی گلوبل وارمنگ  اور نہ ہی کوئی اگلی مہلک وباء   بلکہ ایلون مسک کے مطابق انسانیت کے لیے سب سے بڑا خطرہ شرح پیدائش میں خطرناک حد تک کمی ہے۔

اسپیس ایکس، ٹیسلا کے بانی ، ایکس (سابقہ ٹوئیٹر) کے مالک و دنیا کے امیر ترین شخص  ایلون مسک نے   ایکس اکاؤنٹ پر لکھا کہ ’شرح پیدائش میں انتہائی کمی  انسانی تہذیب کے لیے اب تک کا سب سے بڑا خطرہ ہے‘۔

بہت سے لوگ، بشمول سمجھدار لوگ، سمجھتے ہیں کہ دنیا میں بہت زیادہ لوگ ہیں اور ان کا ماننا ہے کہ آبادی کنٹرول سے باہر ہو رہی ہے لیکن یہ  بالکل اس کے برعکس ہے۔ براہ کرم نمبروں کو دیکھیں، اگر لوگوں کے زیادہ بچے نہیں  ہوں گے تو، تہذیب تباہ ہونے والی ہے۔

خیال رہے کہ دنیا بھر میں شرح پیدائش حالیہ برسوں میں تیزی سے گر رہی ہے۔ رواں سال کے آغاز میں یہ رپورٹ سامنے آئی تھی کہ  جنوبی کوریا میں بہت کم بچے پیدا ہو رہے ہیں اور اگر یہی شرح رہی تو وہ 2750 تک معدوم ہو جائیں گے۔

رپورٹ کے مطابق اس شرح پیدائش سے اس صدی کے آخر تک برطانیہ اور امریکہ سمیت 93 فیصد ممالک کو کم آبادی کا سامنا کرنا پڑے گا ۔

تو شاید دنیا کو بچانے کا بہترین طریقہ یہ ہے کہ  تیسری جنگ عظیم  کے بارے میں فکر کرنا چھوڑ دیں اور شرح آبادی میں اضافے کو فروغ دیں۔