اسرائیل نے غزہ پر دوبارہ بمباری شروع کردی ہے جس کے نتیجے میں 436 فلسطینی شہید ہوگئے۔

غیرملکی خبرایجنسی کے مطابق شہید فلسطینیوں میں 183 بچے اور 94 خواتین شامل ہیں۔

اسرائیلی فوج نےایک مرتبہ پھر فلسطینیوں کی نقل وحرکت کومحدود کردیا ہے۔

حماس کے ترجمان کا کہنا ہے کہ غزہ پراسرائیلی بمباری کے باوجود مذاکرات کے دروازے بند نہیں کیے، دستخط شدہ معاہدےموجود ہوں تونئےمعاہدوں کی ضرورت نہیں۔

غزہ پراسرائیل کی مسلط جنگ میں شہید فلسطینیوں کی تعداد 49 ہزار547ہوگئی ، جبکہ غزہ پراسرائیل کی جنگ میں زخمی فلسطینیوں کی تعداد ایک لاکھ 12 ہزار 719 ہوگئی ہے۔

خبرایجنسی کا کہنا ہے کہ غزہ سرکاری میڈیا آفس کے مطابق شہداکی تعداد61ہزار700ہے، غزہ میں ملبے تلے لاپتہ ہزاروں فلسطینیوں کوبھی شہید تصورکیاجارہاہے۔

خبرایجنسی کے مطابق اسرائیلی وزیردفاع نے ایک مرتبہ پھر فلسطینیوں کی جبری منتقلی کی دھمکی دی ہے، اسرائیلی وزیر دفاع کےبیان سے ظاہر ہوتا ہے جارحیت مزید بڑھائی جارہی ہے۔

اردن کےشاہ عبداللہ دوم نے مطالبہ کیا کہ غزہ میں جنگ بندی کیلئےعالمی برادری کرداراداکرے، جبکہ دوسری جانب  فرانسیسی صدر میکرون نے کہا کہ اسرائیلی حملوں کا دوبارہ آغاز ہمیں دوبارہ پیچھےلےگیاہے، تمام فریقین عالمی قیادت میں مذاکرات کی میز پر واپس آئیں۔