قطری حکومت نے قطر میں مقیم بھارتی آئی ٹی انجینئر امت گپتا کو ڈیٹا چوری اور جاسوسی کے الزام میں گرفتار کرلیا ہے۔

حالیہ رپورٹس کے مطابق بھارتی آئی ٹی انجینئر امت گپتا کو قطر کی ریاستی سیکیورٹی نے تین ماہ سے حراست میں رکھا ہوا ہے، اس پر ڈیٹا چوری اور دوسری ریاستوں کے لیے جاسوسی کے سنگین الزامات ہیں۔

رپورٹ میں بتایا گیا ہے کہ امت گپتا ٹیک مہندرا نامی آئی ٹی فرم میں سینئر عہدیدار تھا، قطری حکام امت گپتا کے والدین کو بھی بیٹے سے ملاقات کی اجازت نہیں دے رہے، قطری حکام کا کسی قسم کی وضاحت نہ دینا معملات کی سنگینی کو ظاہر کرتا ہے۔

بی جے پی کے ایم پی ہیمنگ جوشی کے مطابق امت گپتا کے والدین نے قطر جا کر اپنے بیٹے سے ملاقات کی بھرپور کوشش کی لیکن قطری حکام نے ان کو رد کر دیا۔

یاد رہے کہ قطر میں بھارتی جاسوسوں کی حراست کا یہ پہلا واقعہ نہیں، 2022 میں قطری سیکیورٹی نے 8 بھارتی بحریہ کے اہلکاروں کو اسرائیل کے لئے جاسوسی کرنے کے الزام میں سزائے موت سنائی تھی، ان اہلکاروں نے اسرائیلی انٹیلی جنس کو حساس سب میرین سے متعلق معلومات فراہم کی تھیں۔

2023 میں انہیں سزائے موت سنائی گئی مگر فروری 2024 میں قطری امیر کے حکم پر رہا کر دیا گیا۔