ترجمان امریکی محکمہ خارجہ ٹیمی بروس نے کہا کہ یوکرین اور امریکہ جنگ کےحقیقی خاتمےکیلئےمل کرکام جاری رکھیں گے۔

امریکی محکمہ خارجہ کے ترجمان ٹیمی بروس نے پریس کانفرنس کرتے ہوئے کہا کہ صدرڈونلڈٹرمپ اوریوکرین کےصدرزیلنسکی کےدرمیان فون پرگفتگوہوئی ہے، صدر زیلنسکی نے جدہ میں یوکرینی، امریکی ٹیموں کےکام کےنتیجہ خیز آغاز پر شکریہ اداکیا۔

ترجمان نے کہا کہ دونوں ملکوں کے اعلیٰ حکام کی ملاقات نےجنگ کےخاتمے کی طرف بڑھنے میں مدد دی، صدرزیلنسکی نے امریکہ کی حمایت، امن کیلئےکوششوں پرصدرٹرمپ کاشکریہ اداکیا۔

ترجمان امریکی محکمہ خارجہ کا یہ بھی کہنا تھا کہ صدرٹرمپ نے صدرزیلنسکی کوروسی صدر سے ہوئی گفتگوکےاہم امورسےآگاہ کیا، جبکہ دونوں رہنماؤں نےتوانائی کےخلاف جزوی جنگ بندی پر بھی اتفاق کیا، تکنیکی ٹیمیں آئندہ دنوں میں سعودی عرب میں ملاقات میں مزید تبادلہ خیال کریں گے۔

ترجمان نے کہا کہ ٹیلیفونک گفتگو کے دوران دونوں نے اتفاق  کیا کہ یہ جنگ کے مکمل خاتمے اور سلامتی کو یقینی بنانےکی طرف پہلاقدم ہوسکتاہے، جبکہ صدرزیلنسکی نےمکمل جنگ بندی اپنانے پر آمادگی کااعادہ کیا۔

ترجمان امریکی محکمہ خارجہ نے کہا کہ صدرٹرمپ نےیوکرین کی بجلی کی فراہمی اورنیوکلیئرپاورپلانٹس پربھی بات کی، امریکہ اپنی بجلی اور افادیت کی مہارت سےان پلانٹس کوچلانےمیں مددگارثابت ہوسکتاہے،  جبکہ صدرزیلنسکی نےجنگی قیدیوں کےتبادلے، انسانی ہمدردی کو آگے بڑھانے پر صدرٹرمپ کاشکریہ اداکیا، اس کے علاوہ صدرٹرمپ نےصدرزیلنسکی سےان بچوں کابھی پوچھاجوجنگ کےدوران لاپتہ ہوگئےتھے، ان میں وہ بچےبھی شامل تھےجنہیں اغواکیاگیاتھا۔

ترجمان نے مزید یہ بھی کہا کہ صدرٹرمپ نےوعدہ کیاکہ دونوں فریقین کےساتھ مل کرکام کریں گے، جبکہ گفتگومیں اتفاق ہواکہ تمام فریقین کوجنگ بندی پرکام کرنےکی کوشش جاری رکھنی چاہیے۔