سونیا گاندھی کے داماد رابرٹ وڈرا نے مودی سرکار کو آئینہ دکھا دیا

ویب ڈیسک

24th Apr, 2025. 11:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سونیا گاندھی کے داماد رابرٹ وڈرا نے مودی سرکار کو آئینہ دکھا دیا

پہلگام واقعے پر سونیا گاندھی کے داماد رابرٹ وڈرا نے مودی سرکار کو آئینہ دکھا دیا ہے۔

بھارتی اپوزیشن جماعت کانگریس کی رہنما سونیا گاندھی کے داماد اور پریانکا گاندھی کے شوہر، رابرٹ وڈرا نے پہلگام واقعے پر شدید ردعمل دیتے ہوئے موجودہ بھارتی حکومت کو آڑے ہاتھوں لے لیا اور کہا کہ یہ واقعہ مودی سرکار کی ہندوتوا پر مبنی پالیسیوں کا منطقی انجام ہے۔

رابرٹ وڈرا کا کہنا تھا کہ ملک میں اقلیتوں کے خلاف خوف و ہراس کی فضا پیدا کی جا رہی ہے، ہندوتوا کے نام پر نفرت کا بیج بویا جا رہا ہے، جس کا اثر اب زمینی حقائق میں نظر آ رہا ہے۔

انہوں نے دعویٰ کیا کہ مسلمانوں اور مسیحیوں سمیت دیگر اقلیتوں کو عبادات کی آزادی سے محروم کیا جا رہا ہے، مساجد کو مندروں میں بدلنے کی کوششیں کی جا رہی ہیں اور گرجا گھروں پر حملے معمول بنتے جا رہے ہیں۔

رابرٹ وڈرا نے مزید کہا کہ موجودہ حکومت کی پالیسیوں نے اقلیتوں کو عدم تحفظ کے گہرے احساس میں مبتلا کر دیا ہے، جس کا نتیجہ پہلگام جیسے افسوسناک واقعات کی صورت میں سامنے آ رہا ہے۔