امریکا نے سعودی عرب کو 100 ارب ڈالرز کے دفاعی معاہدے کی پیشکش کردی

ویب ڈیسک

26th Apr, 2025. 05:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا نے سعودی عرب کو 100 ارب ڈالرز کے دفاعی معاہدے کی پیشکش کردی

امریکا نے سعودی عرب کو 100 ارب ڈالرز سے زائد مالیت کے دفاعی معاہدے کی پیشکش کی ہے جس کا باضابطہ اعلان رواں ماہ امریکی صدر ڈونلڈ ٹرمپ کے دورہ سعودی عرب کے دوران متوقع ہے۔

صدر ٹرمپ کی جانب سے پیش کردہ اس مجوزہ دفاعی پیکج میں جدید ہتھیاروں، دفاعی نظام، ٹیکنالوجی اور عسکری تعاون کی شمولیت متوقع ہے۔

ذرائع کا کہنا ہے کہ یہ معاہدہ امریکا اور سعودی عرب کے درمیان دفاعی شراکت داری کو مزید مستحکم کرنے کی ایک بڑی پیش رفت ہوسکتی ہے۔

وائٹ ہاؤس اور سعودی حکومت کے ترجمانوں نے اس حوالے سے فوری طور پر کسی قسم کا تبصرہ کرنے سے گریز کیا ہے۔

یہ بھی پڑھیں: امریکا اور ایران کے مذاکرات کا دوسرا دور خوشگوار ماحول میں مکمل

یہ پیشکش ایسے وقت سامنے آئی ہے جب سابق امریکی صدر جوبائیڈن کی انتظامیہ سعودی عرب کے ساتھ ایک مشروط دفاعی معاہدے کو حتمی شکل دینے میں ناکام رہی تھی۔

بائیڈن حکومت نے سعودی عرب پر زور دیا تھا کہ وہ اسرائیل کے ساتھ تعلقات معمول پر لانے کی شرط کو تسلیم کرے جس پر سعودی عرب نے تحفظات کا اظہار کیا تھا۔

واضح رہے کہ امریکی صدر ڈونلڈ ٹرمپ 13 سے 16 مئی تک سعودی عرب، متحدہ عرب امارات اور قطر کے سرکاری دورے پر روانہ ہوں گے، جہاں دفاعی، اقتصادی اور علاقائی سلامتی سے متعلق امور زیرِ غور آئیں گے۔