نیتن یاہو نے گریٹراسرائیل کوتاریخی اور روحانی مشن قراردے دیا۔ اسرائیلی وزیراعظم کا کہناہے کہ یہ ہماری نسلوں کا مشن ہے۔

اپنے ایک انٹرویو میں انہوں نے کہاکہ نسلوں نے یہاں آنے کا خواب دیکھا اور نسلیں آئندہ بھی یہاں آئیں گی۔

نیتن یاہو کاکہناتھاکہ اگر آپ پوچھیں کہ کیا میں ایک تاریخی و روحانی مشن پر ہوں، تو جواب ہے: بالکل ہاں۔

 انہوں نے کہاکہ گریٹر اسرائیل” کا مطلب صرف موجودہ اسرائیل نہیں بلکہ وہ تمام علاقے ہیں جنہیں اسرائیل نے 1967 کی چھ روزہ جنگ میں فتح کیاتھا۔

نیتن یاہو کاکہناتھاکہ یہ ماضی کے خوابوں کی تعبیر اور مستقبل کی رہنمائی ہے۔

اسرائیلی وزیراعظم کے اس بیان سے عالمی سطح پر تشویش کی لہردوڑ گئی۔

علاوہ ازیں صیہونی آرمی چیف نےغزہ پرمکمل قبضے کے منصوبے کی منظوری دیدی۔ فوجی سربراہ نے آپریشنل فریم ورک کی توثیق کردی ۔

اس منصوبے پر اسرائیلی فوجی سربراہ نے اپنے ہی وزیراعظم نیتن یاہو کی شدید مخالفت کی تھی۔

یہ منظوری  بدھ کو جنرل اسٹاف فورم، اندرونی سلامتی ایجنسی اور دیگر سینئر کمانڈرز کے اجلاس میں دی گئی۔

خیال رہے کہ اسرائیلی فوج کی یہ پیش رفت اس وقت سامنے آئی جب حماس کا ایک وفد قاہرہ پہنچا۔ وفد کا مقصدمصر کے ساتھ عارضی جنگ بندی پر ابتدائی بات چیت ہے۔

یہ مذاکرات خطے میں جاری انسانی المیے اور بین الاقوامی دباؤ کے تناظر میں نہایت اہم سمجھے جا رہے ہیں۔

واضح رہے کہ نیتن یاہوکی غزہ پرفوجی قبضے کے منصوبے کو ٓرمی چیف،موسادسربراہ اورمشیرسلامتی نے مسترد کردیاتھا۔