واشنگٹن: امریکی صدر ڈونلڈ ٹرمپ نے امریکی محکمہِ جنگ نائیجیریا میں جاری مذہبی قتل و غارت روکنے کے لیے ممکنہ فوجی کارروائی کی تیاری کا حکم دے دیا۔

صدر ڈونلڈ ٹرمپ نے اس معاملے میں سخت موقف اختیار کرتے ہوئے کہا کہ امریکا اس ملک میں دہشت گردی کے خاتمے کے لیے پوری قوت استعمال کر سکتا ہے۔

ٹرمپ نے خبردار کیا کہ اگر نائیجیریا کی حکومت مذہبی بنیادوں پر ہونے والے قتل و غارت کو روکنے میں ناکام رہتی ہے تو واشنگٹن اپنی اقتصادی اور سیکورٹی امداد ختم کر دینے پر غور کرے گا۔

انکا کہنا تھا کہ بین الاقوامی امداد صرف اس صورت میں برقرار رکھی جائے گی جب مذہبی آزادی اور شہری حفاظت کے معیارات یقینی بنائے جائیں گے۔

ٹرمپ نے مزید کہا کہ مذہبی آزادی اور شہریوں کی جان و مال کا تحفظ بین الاقوامی شراکت داری کی شرط ہوگی اور اگر مقامی حکام ان ذمہ داریوں کو پورا نہیں کرتے تو امداد کی بحالی ممکن نہیں ہوگی۔