امریکی ریاست واشنگٹن میں وائٹ ہاؤس کے قریب فائرنگ کے نتیجے میں نیشنل گارڈ کے 2 اہلکار زخمی ہوگئے۔

وائٹ ہاؤس کے قریب ایک شخص نے نیشنل گارڈ کے اہلکاروں پر فائرنگ کردی جس کے نتیجے میں وہ شدید زخمی ہوگئے۔ پولیس نے حملہ آور کو زخمی حالت میں گرفتار کر لیا، جبکہ جائے وقوعہ کو پولیس ٹیپ سے گھیر لیا گیا۔

 پولیس نے بتایا کہ فائرنگ کرنے والے ایک مشتبہ شخص کو حراست میں لے لیا گیا۔ جبکہ فائرنگ کےبعد وائٹ ہاؤس کولاک ڈاؤن کردیاگیا۔

یہ بھی پڑھیں: ڈونلڈ ٹرمپ نے زہران ممدانی سے شکست کی وجہ بتادی

امریکی میڈیا کے مطابق مشتبہ شخص کی شناخت 29 سال کے افغان شہری رحمان اللہ لکنوال سے کرلی گئی ہے۔ رحمان اللہ 2021 میں امریکا آیا تھا۔

امریکی حکام کا کہنا ہے کہ واقعہ کے بعد رونالڈریگن ایئرپورٹ پرپروازوں کو گراؤنڈکردیاگیا ہے۔

امریکی ہوم لینڈسیکیورٹی سیکریٹری کے مطابق واقعہ کے وقت صدرٹرمپ فلوریڈامیں تھے۔

واقعے کے بعد امریکی صدر ڈونلڈ ٹرمپ نے سوشل میڈیا پر ردعمل دیتے ہوئے کہا کہ جس درندے نے یہ حملہ کیا ہے، وہ بھاری قیمت چکائے گا۔

ڈونلڈ ٹرمپ نے کہا کہ حراست میں لیاگیا شخص بھی زخمی ہے، وائٹ ہاؤس کےقریب فائرنگ سےزخمی دونوں نیشنل گارڈزکی حالت تشویشناک ہے۔

امریکی صدر نے کہا کہ فائرنگ سے زخمی2 نیشنل گارڈز اور مشتبہ زخمی الگ الگ اسپتال منتقل کر دیے گئے ہیں، نیشنل گارڈکےممبران پرحملہ دہشتگری ہے، نیشنل گارڈپرحملےمیں ملوث شخص اس کی قیمت چکائےگا، بائیڈن دورمیں داخل ہوئےہرایک پناہ گزین کی لازمی جانچ ہوگی۔

دوسری جانب امریکی وزیر جنگ نے کہا کہ نیشنل گارڈ کے دو اہلکاروں پرفائرنگ کے بعد ٹرمپ نے 500 اضافی اہلکارتعینات کرنےکاحکم دیا ہے۔