واشنگٹن : امریکی صدر ڈونلڈ ٹرمپ نے وینزویلا کو حدود میں رکھنے کے لیے جلد کارروائی شروع کی جائے گی۔
میڈیا سے گفتگو کرتے ہوئے امریکی صدر ڈونلڈ ٹرمپ نے بتایا کہ حملہ آور کی فائرنگ سے زخمی نیشنل گارڈ کی حالت تشویشناک ہے جبکہ ایک خاتون اہلکار دم توڑ چکی ہیں۔
صدر ٹرمپ نے کہا کہ ہمارے سیکیورٹی اہلکار ملک کی خدمت کر رہے ہیں، دوسرا زخمی نیشنل گارڈ زندگی اور موت کی جنگ لڑ رہا ہے۔
انہوں نے بتایا کہ وینزویلا کو حدود میں رکھنے کے لیے جلد کارروائی شروع کی جائے گی، امریکہ کے پاس دنیا کی مضبوط فوج اور جدید دفاعی آلات موجود ہیں۔
مزید پڑھیں: محمد بن سلمان کا اسرائیل کے ساتھ ابراہیم ایکارڈ پر انکار ، ٹرمپ ناراض ہو گئے
صدر نے کہا کہ بی–2 طیاروں نے 37 گھنٹے کی پرواز کے بعد ہدف کو نشانہ بنایا، پائلٹس سے ملاقات بھی کی جو ’’ٹام کروز کی طرح‘‘ تھے۔
صدر ٹرمپ نے مزید بڑے بی–2 بمبار طیاروں کا آرڈر دینے کی بھی تصدیق کی۔
تحقیقات میں پیش رفت
حکام کے مطابق حملہ آور کی شناخت رحمان اللہ کے نام سے ہوئی جو واشنگٹن کے علاقے بیلنگھم میں رہائش پذیر تھا۔ وہ 2021 میں امریکہ آیا تھا اور افغانستان میں امریکی افواج کی مدد کرنے والوں کو دی جانے والی خصوصی پناہ کے تحت یہاں منتقل ہوا۔
مزید پڑھیں: صحافی کا ممدانی سے خطرناک سوال، ٹرمپ نے جواب دے کر ممدانی کو بچالیا
اپریل میں اس کی پناہ کی درخواست منظور ہوئی تھی جبکہ سی آئی اے میں ملازمت کے دوران اس کا ریکارڈ کلیئر رہا۔
حکام کا کہنا ہے کہ رحمان اللہ نے امریکہ آنے سے پہلے تمام شرائط مکمل کی تھیں۔
مزید نگرانی سخت کرنے کا فیصلہ
امریکی حکام نے اعلان کیا ہے کہ بعض اسائلم سیکرز اور گرین کارڈ ہولڈرز کی نگرانی سخت کی جائے گی۔ 19 ممالک کے گرین کارڈ ہولڈرز کی دوبارہ جانچ ہوگی جن میں افغانستان، ایران، لیبیا، یمن اور دیگر ممالک شامل
ہیں۔