واشنگٹن: امریکی صدر ڈونلڈ ٹرمپ نے ہجرت کے معاملے پر سخت مؤقف اپناتے ہوئے تیسری دنیا کے ممالک پر امریکا کے دروازے بند کرنے کا اعلان کیا ہے۔
صدر ٹرمپ نے کہا ہے کہ تیسری دنیا کے ممالک سے امریکا میں مستقل ہجرت کو روک دیا جائے گا، جبکہ بائیڈن دور میں آنے والے لاکھوں غیرقانونی تارکینِ وطن کو بھی ملک بدر کیا جائے گا۔
مہاجرین امریکی نظام پر بوجھ بن چکے ہیں، ٹرمپ
صدر ٹرمپ نے کہا کہ امریکا میں اس وقت غیرملکیوں کی تعداد ساڑھے 5 کروڑ سے تجاوز کر چکی ہے، اور یہ بڑی تعداد امریکی عوام کے ٹیکس پر پل رہی ہے۔
مزید پڑھیں: ہر مزدور کا شکریہ، ٹرمپ سن لیں نیویارک تارکین وطن کا شہر ہے اور رہے گا، ظہران
ان کے مطابق مہاجرین کا بڑھتا ہوا بوجھ امریکا کے سماجی ڈھانچے کو شدید متاثر کر رہا ہے، اسکولوں کا نظام ٹھپ ہو چکا ہے، جرائم میں اضافہ اور اسپتالوں میں گنجائش ختم ہوتی جا رہی ہے۔
الہان عمر پر تنقید
ٹرمپ نے رکنِ کانگریس الہان عمر کو بھی نشانہ بناتے ہوئے کہا کہ وہ غیرقانونی طور پر امریکا آئیں اور اب خود ہی شکایتیں کر رہی ہیں۔
مزید پڑھیں: امریکا میں غیر دستاویزی تارکین وطن کے خلاف کریک ڈاؤن جاری
واضح رہے کہ افغان شہری کی جانب سے امریکی نیشنل گارڈز پر حملے کے بعد پہلے ہی تارکین وطن کی نگرانی سخت کی جاچکی ہے، اور امریکا میں مہاجرین کے خلاف ردعمل میں اضافہ ہورہا ہے۔
امریکی حکام نے اعلان کیا ہے کہ بعض اسائلم سیکرز اور گرین کارڈ ہولڈرز کی نگرانی سخت کی جائے گی۔ 19 ممالک کے گرین کارڈ ہولڈرز کی دوبارہ جانچ ہوگی جن میں افغانستان، ایران، لیبیا، یمن اور دیگر ممالک شامل ہیں۔
