امریکی صدر نے امیگریشن کا عمل مستقل روکنے کا اعلان کردیا۔ انہوں نے ریورس مائیگریشن کے پروسس پر زور دیاہے۔
یہ اعلان واشنگٹن میں نیشنل گارڈ اہلکاروں پر افغان نژاد حملہ آور کے فائرنگ واقعے کے بعد سامنے آیا ہے ۔
صدر ڈونلڈ ٹرمپ نے تھرڈ ورلڈ ممالک سے امیگریشن مستقل طور پر روکنے کا اعلان کر دیا ہے۔
ٹرمپ نے کہا کہ موجودہ صورتِ حال میں امیگریشن بند کرنا ضروری ہے۔ ان کا کہناتھاکہ ملک میں ’ریورس مائیگریشن‘ کے عمل کو بھی تیز کرنا ہوگا تاکہ سیکیورٹی خطرات پر قابو پایا جا سکے۔
ریورس مائیگریشن؟
ریورس مائیگریشن سے مراد وہ عمل ہے جس میں لوگ کسی ملک یا خطے میں آنے کے بجائے واپس اپنے اصل ملک یا آبائی مقام کی طرف منتقل ہونا شروع ہو جائیں۔
