جاپان میں انسان کو نہلا دھلا کر صاف ستھرا کرنے  والی ’’لانڈری مشین‘‘ تیار کرلی گئی۔ جس طرح کپڑوں کی دھلائی لانڈری میں مکمن ہے اب انسانوں کی دھلائی کےلئے اب مشین ایجاد ہوچکی۔

یہ انسانی لانڈری مشین جاپان کی ٹیک کمپنی سائنس نے متعارف کروائی ہے ۔ جو جسم کو نرمی سے صاف کرتی ہے۔

6 ماہ قبل  کیپسول نما  انسانی لانڈری مشین ورلڈ ایکسپو اوساکا میں پیش کی گئی تھی ۔ اب یہ مشین فروخت کے لیے عالمی منڈی میں دستیاب ہے۔

مشین کس طرح کام کرتی ہے ؟

جس کسی کو نہا دھو کر صاف ستھرا ہوناہے اسے اب کچھ نہیں کرنا۔ بس  لانڈری دھلائی مشین  میں جا کر لیٹ جاناہے اور اس کا بالائی دروازہ بند کردیناہے۔

یہ لانڈری مشین آپ کے جسم کو خود  صاف کردے گی ۔ ساتھ ساتھ دل و دماغ کو بھی آرام پہنچائے گی۔

اس لانڈری مشین میں خاص قسم سینسر نصب ہیں جو دل کی دھڑکن اور دیگر حیاتیاتی علامات کا تجزیہ کرتے ہیں۔

یہ مشین مصنوعی ذہانت AI کی مدد سے ہر صارف کے لیے مخصوص غسل تیار کرتی ہے۔

پانی میں موجود مائیکرو ببلز دھول اور میل کچیل کو آرام سے دور کرتی ہیں۔

قیمت

اب رہ گئی قیمت ک بات تو بھئی اتنے فائدے دینے والی لانڈری مشین کی قیمت بھی اسی کے حساب سے ہوگی ۔

اس منفرد مشین کی قیمت تقریباً 60 ملین ین (ایک کروڑ آٹھ لاکھ روپے) کی گئی ہے۔  کمپنی صرف 50 یونٹس بنانے کا ارادہ رکھتی ہے۔