فیڈرل بورڈ آف ریونیو(ایف بی آر) نے ملت ٹریکٹرز کے سیلز ٹیکس کا آڈٹ مکمل کرلیا، جس میں ملت ٹریکٹرز کے خلاف جعلی اور خلاف ضابطہ ان پٹ ایڈجسٹمنٹ کے دعویٰ کی تحقیقات کی گئی۔
ایف بی آر کی جانب سے جاری کردہ تحقیقاتی رپورٹ کے مطابق ملت ٹریکٹرز سیلز ٹیکس مد میں 18 ارب روپے ادا کرے، جبکہ ملت ٹریکٹرز نے سیلز ٹیکس میں غیر رجسٹرڈ کاروبار سے خام مال خریدا۔
جاری کردہ دستاویزمیں بتایا گیا کہ تحقیقاتی رپورٹ صدرمملکت آصف علی زرداری کو بھجوادی گئی ہے، صدر مملکت نے ملت ٹریکٹرز کے سیلز ٹیکس آڈٹ کا حکم دیا تھا۔
دستاویز میں کہا گیا کہ وفاقی ٹیکس محتسب کی جانب سے ٹیکس آڈٹ عمل میں لایا گیا، لارج ٹیکس پیئر یونٹ لاہور ایل ٹی یو نے آڈٹ رپورٹ مکمل کی، جبکہ آڈٹ سیلز ٹیکس ایکٹ 2022 کے سیکشن 25 کے تحت کیا گیا۔
دستاویز کے مطابق ملت ٹریکٹرز نے سیلز ٹیکس ری فنڈ کا جعلی کلیم کیا، اس کے علاوہ سال 2022 کے ایس آر او 563 کا غلط استعمال کیا۔