الیکشن کمیشن نے شکایات کےازالہ کےلیے مانیٹرنگ کنٹرول روم قائم کردیا۔
الیکشن کمیشن نے کہا کہ شکایات کےلیے 051111327000 کےنمبر پررابطہ قائم کریں۔
اس کے علاوہ شہری complaints@ecp.gov.pk پرای میل بھی کرسکتے ہیں۔
واضح رہے کہ آج ملک بھر میں قومی اسمبلی کے 6 اور پنجاب اسمبلی کے 7 حلقوں میں ضمنی انتخابات کے لیے پولنگ کا عمل جاری ہے۔
انتخابات کی نگرانی کے لیے الیکشن کمیشن ہیڈکوارٹرز میں کنٹرول روم قائم کر کیے گئے ہیں، جس کی نگرانی ایڈیشنل ڈائریکٹر جنرل ہارون شنواری کررہے ہیں۔
ہارون شنواری کا کہنا ہے کہ پولنگ شروع ہوئے تین گھنٹے سے زائد کا وقت گزر چکا ہے اب تک کوئی شکایت موصول نہیں ہوئی، جبکہ ضمنی انتخابات کے لیے پولنگ انتہائی پر امن طریقے سے جاری ہے۔
یہ بھی پڑھیں: قومی و صوبائی اسمبلی کے 13 حلقوں میں ضمنی انتخابات کیلئے پولنگ کا عمل جاری
الیکشن کمشنر پنجاب نے کہا ہے کہ تمام پولنگ سٹیشنوں پر پولنگ جاری ہے، پولنگ سٹیشنوں پر سکیورٹی کے سخت انتظامات کیے گئے ہیں۔
انہوں نے کہا کہ شہری بلا خوف و خطر پولنگ سٹیشنوں پر آئیں اور اپنا حق رائے دہی استعمال کریں، پولنگ سٹیشنوں پر معذور افراد، حاملہ خواتین، بزرگ افراد اور خواجہ سراؤں کا ووٹ ترجیحی بنیاد پر کاسٹ کروایا جائے گا۔
صوبائی الیکشن کمشنر کے مطابق پولنگ سٹیشنوں پر موبائل فون لے جانے کی اجازت نہ ہے، شہری ووٹ کی رازداری کو برقرار رکھیں اور بیلٹ پیپر کی تصویر لینے سے اجتناب کریں۔