صوبہ سندھ کے شہر پنو عاقل میں  ایک عجیب واقع پیش آیا ہے جہاں ایک نوجوان شادی نہ کروانے پر احتجاجاً  بجلی کے کھمبے پر چڑھ گیا۔

تفصیلات کے مطابق  سندھ کے شہر پنو عاقل کے قریب ایک نوجوان  گھر والوں کی جانب سے شادی نہ کروائے جانے پر احتجاجاً بجلی کے پول پر چڑھ  گیا۔

پولیس نے نوجوان کو کھمبے سے اتار کر حراست میں لے لیا۔  نوجوان کا کہنا تھا کہ بھائی مجھے شادی نہیں کرنے دے رہے ہیں۔

کھمبے پر چڑھنے والا شخص تین بچوں کا باپ ہے  جو اپنی پہلی بیوی کو طلاق دے چکا ہے اور دوسری شادی کرنے کا خواہشمند ہے۔

واضح رہے کہ نوجوان نے بجلی کے پول پر چڑھ کر شادی کروانے کا مطالبہ کیا تھا، گاؤں کے لوگوں کی کوششوں سے اسے پول سے اتارا گیا تھا۔

بعدازاں پولیس نے مذکورہ شخص کو حراست میں لے کر تھانے منتقل کردیا تھا۔