وقت کے ساتھ ساتھ موحول میں آلودگی شامل ہونے کی وجہ سے تبدیلی آرہی ہے جس کے باعث انسان بہت سی نئی بیماریوں کا شکار ہوجاتا ہے۔

اس حوالے سے ایک تحقیق سامنے آئی ہے جس میں بتایا گیا ہے کہ  انسانی پیٹ میں ہزاروں نئے وائرسز پائے گئے ہیں جو کہ پیٹ میں موجود جراثیم کو ختم کرنے میں مدد فراہم کرتے ہیں۔

اس تحقیق میں وائرسوں کے تقریباً ایک لاکھ 90 ہزار جینومز کا تجزیہ کرنے کے بعد ان میں 54 ہزار سے زیادہ ایسے وائرس سامنے آئے جو ممکنہ طور پر ’’فیج‘‘ قسم سے تعلق رکھتے ہیں۔

اس حوالے سے سائنسدانوں کا کہنا ہے کہ اس دریافت کی بدولت پیٹ کے وائرسوں کی عالمی کٹیلاگ مزید بہتر ہوگئی ہے جسے استعمال کرتے ہوئے مختلف امراض اور ’’فیج وائرس‘‘ استعمال کرتے ہوئے علاج کے نئے طریقے تلاش کیے جاسکیں گے۔

خیال کیا جارہا ہے کہ پیٹ میں نئی اقسام کے فیج وائرسوں کی دریافت سے فیج تھراپی کے میدان میں ایک نیا باب کھلنے کی توقع بھی ہے۔

یاد رہے کہ جراثیم کو متاثر کرنے والے وائرسوں کو سائنسی زبان میں ’’بیکٹیریوفیج وائرس‘‘  یا صرف ’’فیج‘‘ بھی کہا جاتا ہے۔

[amazonad category=”Mobile”]