عید الضحیٰ یعنی گوشت کا سیزن، جس دوران ہر سمت صرف اور صرف گوشت ہی دکھائی دیتا ہے اور قربانی کی جگہ سے ہر سمت بدبو بھی ہوجاتی ہے۔

قربانی کے گوشت کو گھروں میں محفوظ کرنے کے لئے فریج یا فریزرز کا استعمال کیا جاتا ہے جس کے باعث ان میں بھی بدبو پیدا ہوجاتی ہے اور مستقل بند رہنے پر اس کی بدبو میں اضافہ ہوتا رہتا ہے ۔

ایسے میں آپ فریزر کی بو کو ختم کرنے کے لئے کچھ آسان طریقوں کا استعمال کرسکتے ہیں۔

 فریزر کی بُو ختم کرنے کے لئے آپ بیکنگ سوڈے کا چھڑکاؤ پورے فریزر میں کردیں۔

فریزر کی بُو ختم کرنے کے لئے ایک بوتل میں تھوڑا سا بیکنگ سوڈا اور پانی ڈالیں اور اچھی طرح مکس کرکے سپرے بھی کرسکتی ہیں، اس سے فریزر میں رکھا ہوا گوشت بھی خراب ہونے سے بچ جائے گا۔

روئی کی چھوٹی چھوٹی سی بالز بنائیں اور ان کو ونیلا ایسنس میں ڈبو دیں اور ان کو فریزر میں کے ہر خانے میں رکھ دیں، اس سے فریزر میں کبھی بھی بدبو نہیں آئے گی۔

دوسری جانب کھانا بناتے ہوئے اگر آپ کو گوشت  کی بو پسند نہین ہے تو اسے بھی ختم کرنے کے لئے چند طریقے موجود ہیں۔

 گوشت کی مہک دور کرنے کے لئے سب سے پہلے گوشت کو ایک بڑی ٹرے میں رکھیں اور اسے ر طرف سے اچھی طرح گندم کی بھوسی  سے بہت گہری کوٹنگ کریں۔

گوشت کو اسطرح تقریباً ایک سے ڈیڑھ گھنٹے کے لئے چھوڑ دیں بعد میں استعمال یا فریز کرنے سے پہلے اسے اچھی طرح دھو لیں۔

 اب جب بھی آپ یہ گوشت پکائیں گی تو بُو نہیں آئے گی۔