اکثر اوقات ہم اپنے فریج کو الماری سمجھ کر اس میں ہر چیز  کو بلا ترتیب رکھتے ہیں جس سے ہمارا فریج بار بار  گندا بھی ہوتا ہے سامان رکھنے کی جگہ بھی کم ہوتی رہتی ہے۔

 عام طور پر گھر کے مرد حضرات اور بچے فریج کا بہت لاپروائی سے استعمال کرتے ہیں۔

سب سے زیادہ فریج  دراز چیزیں رکھنے کی وجہ سے گندا ہوجاتا ہے اور ہر ہفتے تمام چیزیں باہر نکال کر فریج کی تفصیلی صفائی کرنا ممکن نہیں ہے کیونکہ تمام اشیاء خراب ہونے کا اندیشہ ہوتا ہے۔

لیکن آج ہم آپ کو اپنے فریج کو صاف ستھرا رکھنے کے چند طریقے بتائیں گے تا کہ آپ کو اسکی صفائی مین زیادہ محنت نہیں کرنی پڑے اور اسکے لئے آپ کو اپنا فریج خالی کر کے صاف کرنا پڑے گا۔

فریج کا باہری حصہ:

بار بار کھولنے اور بند کرنے کی وجہ سے فریج کی باہر کی باڈی پر نشان پڑ جاتے ہیں۔

اس کی صفائی کے لئے آدھی بوتل ماؤتھ واش میں چند بوندیں ڈش واش کی ملا کر اسپرے کریں اور موٹے کپڑے سے صاف کرلیں

ربڑ والے حصے کی صفائی:

فریج میں موجود ربڑ والے حصے کو صاف کرنے کا بہترین طریقہ یہ ہے کہ کسی سرنج میں تھوڑا سا لال مرچ پاؤڈر، ٹوتھ پیسٹ پاؤڈر اور پانی ملا کر ہلا لیں اور سرنج کی مدد سے اچھی طرح ربر میں ڈالیں۔

پھر ٹوتھ برش سے ہلکے ہاتھوں ربر کو صاف کرلیں۔

مرچ اور ٹوتھ پاؤڈر کی وجہ سے کیڑے اب یہاں گھر نہیں بنا سکیں گے۔

فریج کے دروازے پر موجود شیلف کی صفائی:

اس جگہ کی صفائی کے لئے ایک پلاسٹی کی تھیلی میں شیونگ فوم، ہائیڈروجن پر آکسائیڈ ڈال کر ملائیں اور تھیلی کو باندھ کر نیچے ایک یا دو سوراخ کرکے شیونگ فوم کا مرکب اسٹینڈ پر ڈالیں اور چند منٹ کے لئے چھوڑ دیں۔ کچھ دیر دیر بعد ہلکا گیلا اسفنچ پھیر لیں۔

فریج کی اندرونی دیواروں کی صفائی:

فریج کی دیواروں کو صاف کرنے کے لئے دیوار پر موجود دھبوں پر ٹوتھ پیسٹ ڈالیں اور موزے سے صاف کرلیں۔

تمام گندگی صاف ہوجانے کے بعد گیلے کپڑے سے دیواریں صاف کرلیں۔

ٹوتھ پیسٹ گندگی صاف کرنے کے ساتھ جراثیم کش خصوصیات بھی رکھتا ہے اس کے علاوہ یہ ناگوار بو بھی دور کردے گا۔