خشک میوہ جات میں بادام اکثر افراد کو پسند ہوتا ہے، یہ نہ صرف مزیدار بلکہ صحت کیلئے انتہائی مفید ہوتا ہے ۔

بادام متعدد وٹامنز اور صحت بخش اجزاء سے بھرپور ہوتا ہے، اگر روزانہ بادام کی صرف چار گریاں کھا لی جائیں تو آپ بہت سی بیماریوں کا شکار ہونےسے بچ سکتے ہیں۔

 بادام خون میں موجود گلوکوز کی سطح کو کنٹرول کرنے میں مدد دے سکتے ہیں، جس سے شوگر میں مبتلا ہونے کا خطرہ کم ہوتا ہے۔

بادام کھانے سے انسولین کی مزاحمت کی روک تھام بھی ہوتی ہے جو کہ گلوکوز کی سطح بڑھانے کا باعث بنتی ہے۔

اسکے اور بھی بہت سے فوائد ہیں لیکن کیا اپ جانتے ہیں کہ بادام کو رات بھر بھگونے سے کیا ہوتا ہے؟

اس حوالے سے ایک تحقیق ہوئی ہے جس میں بتایا گیا ہے کہ نہار منہ پانی میں بھگوئے گئے بادام کھانا فائدہ مند ثابت ہوسکتا ہے۔

اس تحقیق میں رضاکاروں کو روزانہ 56 گرام بادام تین ماہ تک کھلائے گئے جو کہ روزانہ کی مجموعی کیلوریز کے دو فیصد کے برابر تھے۔

محققین نے بتایا کہ روزانہ آٹھ بادام کھانا اس حوالے سے بہتر ہے جن میں سے چار صبح اور چار رات کو کھائے جاسکتے ہیں۔

[amazonad category=”Auto”]