سیب کا سرکہ سیب کے جوس سے تیار کیا جاتا ہے جو سیب کے جوس کو ابالنے کے بعد کئی مراحل سے گزارنے کے بعد تیار کیا جاتا ہے۔

پیلے رنگ کا یہ سرکہ سلاد، چٹنی، اچار وغیرہ میں استعمال کیا جاتا ہے۔

سیب کا سرکہ متعدد فوائد کا حامل ہوتا ہے، یہ خون میں شوگر کی سطح کو کنٹرول کرنے اور نظام انہضام کو بہتر کرنے کےلیے استعمال کیا جاتا ہے۔

ماہرین کی جانب سے سیب کے سرکے کا استعمال تجویز کیا جاتا ہے جبکہ اس کے استعمال سے حاصل ہونے والے فوائد سائنس سمیت اسلامی تعلیمات سے بھی ثابت ہوتے ہیں۔

سیب کے سرکے سے ہونے والے فائدے آج ہم آپ کو اس آرٹیکل میں بتائیں گے۔

1۔ خشکی کا خاتمہ:

اگر بالوں کی خشکی کا سامنا ہے تو سیب کا سرکہ مددگار ثابت ہوسکتا ہے۔

2۔ شوگر لیول:

ماہرین صحت کے مطابق سیب کے سرکے میں ایسیڈک ایسڈ پایا جاتا ہے جو کہ ذیابیطس 2 کے مریضوں کے لیے فائدہ مند ثابت ہوتا ہے۔

سیب کے سرکے کی کچھ مقدار روزانہ پینے سے بلڈ شوگر لیول متوازن رہتا ہے۔

3۔ وزن میں کمی :

سیب کا سرکہ جسمانی وزن میں کمی کے لیے بھی فائدہ مند ہے، اس میں موجود ایسیڈک ایسڈ بھوک کم کر کے میٹابولزم کو تیز کرتا ہے۔

4۔ دانتوں کی صفائی:

سیب کے سرکے سے غرارے کرنے سے دانتوں پر جمے داغوں کو ختم کرنے میں مدد ملتی ہے اور وہ چمکنے لگتے ہیں۔

5۔ نزلہ، کھانسی کا علاج:

نزلہ زکام، جِلدی انفیکشن کا شکار افراد کے لیے سیب کا سرکہ نہایت مفید ثابت ہوتا ہے، اس میں موجود پوٹاشیم ناک کو کھولتا ہے جبکہ ایسیڈک ایسڈ وائرس کی شدت کو کم کرتا ہے۔