دنیا بھر میں کورونا وائرس اور اس کی اقسام سے  محفوظ رہنے کے لئے کورونا ویکسین کا استعمال بہت بڑے پیمانے پر کیا جارہا ہے۔

 دنیا کی مختلف اور بڑی فارما کمپنیوں کی مدد سے کورونا ویکسین کی تیاری کی گئی ہے۔

لیکن سائنسدانوں کی جانب سے کورونا وائرس اور کورونا ویکسین کی افادیت، اس سے ہونے والے اثرات و دیگر کے حوالے سے تحقیقات کی جارہی ہیں۔

حال ہی میں سائنسدانوں کی جانب سے موڈرنا ویکسین پر ایک تحقیق کی گئی ہے جس میں اس کی افادیت کے حوالے سے بتایا گیا ہے۔

تحقیق کے حوالے سے سائنسدانوں کا کہنا ہے کہ ڈیلٹا کورونا سے لڑنے کے لئے فائزر کی ویکسین سے زیادہ موڈرنا  نامی ویکسین زیادہ فائدے مند ہے۔

اس تحقیق کے لئے تقریباً 50 ہزار سے زائد ڈیلٹا کورونا کے مریضوں کا ڈیٹا استعمال کیا گیا ہے ۔

اس 50 ہزار مریضوں کے دیٹا سے معلوم ہوا کہ جن مریضوں کو موڈرنا ویکسین لگائی گئی ان میں ڈیلٹا وائرس کے اثرات 76 فیصد سے 86 فیصد تک کم ہوئے ہیں جبکہ فائزر ویکسین لگوانے والے افراد میں ڈیلٹا کورونا سے لڑنے کی افادیت میں صرف 42 فیصد تک اضافہ ہوا ہے۔

اسکے علاوہ سائنسدانوں کا کہنا ہے کہ بوسٹر کی صورت میں موڈرنا ویکسین کا استعمال بھی بہت فائدے مند ثابت ہوسکتا ہے۔

اس سے قبل کمپنی نے دعویٰ کیا تھا کہ ویکسین 94 فیصد تک کورونا کے خلاف مؤثر ہے اور ‏تجزیے میں یہ دعویٰ درست ثابت ہوا ہے۔

فائزر ویکسین کی جانب سے جاری ڈیٹا میں یہ بتایا گیا تھا کہ ویکسین کی افادیت میں ہر 3 ماہ ‏میں 6 فیصد تک کمی آتی ہے اور دوسری خوراک کے 6 ماہ بعد تک اس کی افادیت گھٹ کر 84 ‏فیصد ہو جاتی ہے۔