اڑتے ہوئے جہاز کے لئے ضروری ہے کہ اس کا انجن اور دیگر ٹیکنیکل انتظامات اچھے ہوں لیکن کیا اتنا سب ہونا کافی ہے؟

نہیں! اڑتے ہوئے جہاز کے لئے کم سے کم ایک قابل اور دانشور پائلٹ اور دیگر اسٹاف کا باشعور ہونا بھی بہت ضروری ہوتا ہے۔

لیکن کیا ہوگا تب، جب کبھی اگر جہاز اُڑاتے ہوئے اگر پائلٹ سو جائے تو؟ آئیں جانتے ہیں۔

 جہاز میں اکثر ملکوں کا سفر 22 گھنٹے تو کبھی 24 گھنٹے سے بھی زیادہ طویل ہوتا ہے اور اس دوران مسافروں اور دیگر اسٹاف کے ساتھ پائلٹ کو بھی نیند کی اشد ضرورت ہوتی ہے۔

 اگر وہ غلطی سے سو جائے تو آپ یہی سوچ رہے ہوں گے کہ جہاز گِر جائے گا کریش ہوگا اور سب لوگ مرجائیں گے۔

لیکن ایسا ہرگز نہیں ہے،  دراصل جہاز میں ایک ایسا سسٹم لگا ہوتا ہے جو پائلٹ کی چند منٹ سے زیادہ کسی حرکت نہ کرنے اور بٹن وغیرہ نہ دبانے پر خود بخود آن ہو جاتا ہے اور جہاں پائلٹ بیٹھا ہوتا ہے وہاں تیز سائرن بجنے لگتا ہے اور اس سائرن کی آواز تیز تر ہوتی جاتی ہے۔

اس کے علاوہ جہاز میں ہمیشہ دو پائلٹ ہوتے ہیں کہ اگر ایک سو بھی جائے تو دوسرا پرواز کو جاری رکھ سکتا ہے اور اگر دونوں بدقسمتی سے سو جائیں تو ایک اور سسٹم الرٹ ہو جاتا ہے جو دونوں پائلٹ کی حرکات کو غور کر رہا ہوتا ہے اور کوئی حرکت محسوس نہ ہونے پر بجنے لگتا ہے جس سے پائلٹ جاگ جاتا ہے۔

جہاز کا سسٹم اتنا جدید ہوتا ہے کہ اگر 5 منٹ سے زیادہ پائلٹ حرکت نہ کرے تو زمین پر موجود کنٹرول روم میں اے ٹی سی کو سگنلز ملنے لگتے ہیں کہ اور ہنگامی صورتحال پیدا ہو جاتی ہے۔