کار چوری ہونے کے واقعات دنیا بھر میں عام ہیں اور کار چوری کرنے کا طریقے کار بھی تقریباً ایک ہی ہوتا ہے۔

لیکن چور زیادہ دیر تک قانون کی گرفت سے دور نہیں رہ سکتا ہے اور دیر سویر قانون کے ہاتھوں گرفتار ہو ہی جاتا ہے۔

لیکن آج ہم آپ کو جو کار چوری کا واقعہ بتائیں گے وہ تھوڑا الگ اور ہٹ کر ہوگا ۔

یہ واقعہ  افریقہ کے ایک ملک  گانا میں پیش آیا جہاں ایک چور ایئرپورٹ پر کھڑی گاڑی کو بہت شاطر انداز مں چوری کرنے میں کامیاب ہوجاتا ہے۔

آگے جاکر چور اور ما ل لوٹنے کی عرض سے گاڑی کا ڈیش بورڈ کھولتا ہے جس میں موجود شہد کی مکھیاں اس چور پر حملہ کردیتی ہیں۔

بعدازاں چلتی کار میں چور پر اچانک شہد کی مکھیوں کے حملے کی وجہ سے کار اس کے قابو سے نکل کر دوسری سڑک پر آجاتی ہے۔

حادثے کے بعد چور شدید زخمی ہوگیا اور اسے پولیس کے حوالے کردیا گیا۔