شادی کی خوشی سب سے زیادہ دولہا دلہن کو ہوتی ہے کیونکہ یہ اپنی نئی زندگی کا آغاز کرنے جارہے ہوتے ہیں۔

لیکن ان میں کچھ لوگ ایسیے بھی ہیں جو اس خوشی میں کوئی انوکھا اور نرالہ کام انجام دے جاتے ہیں جو ان کی شادی کو یادگار رکھنے کے لئے کافی ہوتا ہے۔

ایسا ہی کچھ  صوبہ پنجاب کے شہر پاکپتن میں جہاں مہنگائی اور گاڑی کے خرچے سے بچنے کے لئے دولہے میاں بارات موٹر سائیکل پر ہی لے آئے ہیں۔

وائرل ویڈیو میں دیکھا جاسکتا ہے کہ  میرج ہال پہنچنے پر موٹر سائیکل سوار دولہے میاں کا بینڈ باجوں سے پر تپاک استقبال کیا گیا جبکہ دولہے شاہ زیب کو موٹر سائیکل پر دیکھ کر مہمان اور باراتی سب خوشی سے نہال ہوگئے۔

میڈیا سے بات کرتے ہوئے دولہے نے کہا کہ نئے پاکستان میں مہنگائی بہت ہوچکی ہے، گاڑی والے دس ہزار روپے مانگ رہے تھے، اس لیے موٹر سائیکل میں 200 روپے کا پٹرول ڈلوا کردلہن لینے آگیا ہوں۔