دنیا بھر میں مختلف پراجیکٹس کے زیر اثر کچھ ایسے پراجیکٹس پر بھی کام کیا جارہا ہے  جو کہ عوام کو وائی فائی کی مفت سہولیات مہیا کرتی ہیں۔

 اسی پراجیکٹ پر کام کرتے ہوئے میکسیکو سٹی نے عوام کو فری وائی فائی کی سہولت فراہم کرنے کا عالمی ریکارڈ اپنے نام کرلیا ہے۔

رپورٹ کے مطابق شہر میں ہزاروں کی تعداد میں ایسے پوائنٹس بنائے گئے ہیں جہاں سے وائی فائی کی مفت سہولیات حاصل کی جاتی ہیں۔

یہ ہاٹ اسپاٹس بڑے سیاحی مقامات، ٹرانسپورٹیشن کے مراکز، ثقافتی مراکز اور حکومتی دفاتر سمیت دیگر مقامات پر نصب کی گئی ہیں۔

خیال رہے کہ میکسیکو سٹی کی انتظامیہ کی جانب سے بڑے پیمانے پر انٹرنیٹ کی مفت سہولیات کا فیصلہ اس وقت کیا گیا تھا جب طالب علموں کو آن لائن کلاسز لینے میں مشکلات کا سامنا کرنا پڑرہا تھا۔