69 برس کے دور میں، ملکہ برطانیہ نے کچھ شاندار ٹیکنالوجیکل ایجادات دیکھیں اور ہمیشہ ان کو اپنایا۔

جب وہ 1952 میں ملکہ بنیں تو ٹیلی ویژن کو 20 برس سے کم کا ہی عرصہ گزرا تھا لیکن ملکہ کی تاج پوشی کی تقریب وہ پہلی تقریب تھی جو دنیا بھر میں مکمل طور پر دِکھائی گئی۔

شاہی محل کے ذرائع کے مطابق ملکہ اب بھی شاہی خاندان کے کم عمر ممبران سے پیچھے نہیں ہیں۔

آج کی تاریخ میں ان کے پاس نہ ہیک ہونے والا اسمارٹ فون ہے جو وہ اپنے شاہی خاندان کے ممبران سے رابطے میں رہنے کےلیے استعمال کرتی ہیں۔ ان کے پاس ایک آئی پیڈ اور مبینہ طور پر ایک خفیہ فیس بک اکاؤنٹ بھی ہے۔

اطلاعات کے مطابق ملکہ بِلٹ اِن کیمرے والا سام سنگ کا موبائل استعمال کرتی ہیں۔

ماہرین کے مطابق شاہی اسمارٹ فون ایم آئی 6 سطح کے سیکیورٹی فیچرز سے لیس ہوتا ہے جو اُس کو ناقابلِ ہیک بناتا ہے۔

بظٓہر وہ دو لوگوں سے سب سے زیادہ بات کرتی ہیں جن میں سے ایک شہزادی این ہیں اور دوسرے ان کے ریسنگ منیجر جان وارین ہیں جو ملکہ کے سیکڑوں گھوڑوں کی دیکھ بھال کرتے ہیں۔

وارن کے متعلق کہا جاتا ہے کہ وہ دنیا کے واحد شخص ہیں جن کی کال دنیا میں کہیں سے بھی سیدی ملکہ تک جاسکتی ہے۔