سماجی رابطوں کی ویب سائٹ ریڈِٹ پر ایک صارف نے انوکھا سوال پوچھ کر زبردست بحث چھیڑ دی۔ صارف نے سوال کیا کہ آیا نہاتے ہوئے اپنے دانتوں کو برش کرنا نارمل ہے یا نہیں۔

صارف کی جانب سے یہ سوال اس وقت پوچھا گیا جب ان کی گرل فرینڈ نے ان کے اس عمل کو غیر معمولی قرار دیا۔

صارف نے لکھا کہ ان کی گرل فرینڈ کو حال ہی میں ان کی جانب سے اس بات کا علم ہوا کہ وقت بچانے کی خاطر وہ نہانے کے ساتھ ساتھ دانت بھی صاف کرتے ہیں اور اس سے انہیں کبھی کوئی عار محسوس نہیں ہوئی۔

انہوں نے مزید لکھا کہ ان کی گرل فرینڈ کا خیال ہے کہ یہ عمل غیر معمولی اور عجیب ہے اور وہ اس بات پر قائل ہیں۔ کیا ہمارے قارئین میں سے کوئی اس بحث میں حصہ لینا چاہے گا۔

کئی افراد نے اس بحث میں حصہ ڈالتے ہوئے اس کو معمولی عمل قرار دیا۔

ایک شخص نے کہا کہ وہ بالوں پر کنڈشنر لگانے کے بعد دانتوں پر برش کرتے ہیں تاکہ کنڈشنر دھونے سے پہلے وہ بالوں میں اچھی طرح جذب ہوجائے۔

ایک اور صارف نے لکھا کہ وہ یہ عمل روزانہ کرتے ہیں۔

تیسرے صارف جو کہ ایک ٹینٹسٹ تھے، انہوں نے لکھا کہ وہ بھی دانت نہاتے وقت مانجتے ہیں۔

تاہم ایک صارف نے دلچسپ کمنٹ کیا کہ ایک بار انہوں نے نہاتے وقت برش کرنے کی کوشش کی لیکن تھوڑی دیر بعد ہی رک گئے کیوں کہ اس سے وقت ہیں بچتا بلکہ آپ نہانے میں تھوڑا اور وقت لگا دیتے ہیں۔