اومیکرون ٹیسٹ کے متعلق میسجز کی آڑ میں لوگوں سے ذاتی معلومات نکلوانے والے گروہ کے حوالے سے برطانیہ کی نیشنل ہیلتھ سروس نے انتباہ جاری کر دیا۔

اطلاعات کے مطابق لوگوں کو این ایچ ایس کے نام کی ای میل اور ٹیکسٹ پیغامات مل رہے ہیں جن میں ان سے پابندیوں سے بچنے کے لیے اومیکرون پی سی آر ٹیسٹ کے لیے اپلائی کرنے کے لیے کہا جا رہا ہے۔

جعلی میسج میں کہا جا رہا ہے کہ پہلے کا پی سی آر ٹیسٹ اومیکرون ویریئنٹ کی تشخیص نہیں کر سکتا۔ اس کے لیے نئے قسم کے پی سی آر کی ضرورت ہوتی ہے اور لوگوں اس نئے ٹیسٹ کے لیے سائن اَپ ہونا پڑے گا۔

جعل ساز مزید کہتے ہیں کہ جو شخص ٹیسٹ کرانے سے انکار کرے گا اس کو علیحگی میں ڈال دیا جائے گا اور پھر آفیشل این ایچ ایس کی ویب سائٹ جیسی سائٹ سے جوڑ دیتے ہیں۔

ویب سائٹ پر ایک فارم ہوتا ہے جو ذاتی معلومات مانگتا ہے جو ممکنہ طور پر حساس معلومات تک رسائی کے لیے استعمال کیا جا سکتا ہے۔

چارٹرڈ ٹریڈنگ اسٹینڈرڈز انسٹیٹیوٹ کی لیڈ آفیسر کیتھرین ہارٹ کا کہنا تھا کہ یہ اسکیم انہیں نفرت دِلاتا ہے۔

انہوں نے کہا کہ یہ بات انہیں نفرت دِلاتی ہے کہ جعل ساز لوگوں کا ذاتی ڈیٹا چرانے کی کوشش میں ان کے اومیکرون کے ڈر سے کھیل رہے ہیں۔

انہوں نے کہا کہ ای میل میں کہی گئی ہر بات غلط ہے۔ عوام اس وقت آسان ہدف ہے۔

انہوں نے سب سے درخواست کی کہ سب یہ میسج شیئر کریں تاکہ اس جعل سازی اثر کم سے کم ہو سکے۔